O pasado mércores, 16 de Outubro, tivo lugar na Biblioteca de Darbo a actividade “Iguais, diferentes”, de Expresión Produccións.

Manuel Solla cautivou a nenos e adultos cun contacontos moi entretido. “Cuando las niñas vuelan alto” de Raquel Díaz Reguera, e “Maruxa”, de Eva Mejuto foron as historias escollidas.

O remate da actuación foi unha divertida sorpresa en forma de biscoito, que merendamos entre todos os asistentes.

O pasado 9 de outubro tivemos na Biblioteca de Darbo a actividade “A aventura de Daniela pirata” de Donde viven los cuentos. Contacontos moi participativo no que os nenos e nenas tiveron que superar unha serie de probas para convertérense en auténticos capitáns e capitanas piratas.

Foi unha tarde divertida a de onte en Darbo. Tivemos a visita de Polo correo do vento, que nos acercaron dun xeito ameno e didáctico á figura de Maruja Mallo. Enrique Mauricio contounos a súa biografía á vez que Carlos Taboada fixo unha caricatura da artista. Ó finalizar os asistentes puideron facer as súas propias caricaturas, que quedaron moi orixinais.

O pasado mércores, 25 de Setembro, tivemos o pracer de desfrutar en Darbo  da visita de Atenea García de Xarope Tulú coa súa obra “Estrafalaria”.

Desfrutamos dunha entretida sesión de contos nos que as súas protagonistas son considaradas estrafalarias por ser o que queren ser. O público quedou encantado coa actuación.

O mércores 18 de Outubro Ian e Elisa viñeron a Darbo co seu espectáculo “A maxia dos contos”. Tratouse dunha sesión moi amena e participativa na que houbo maxia, sombras chinesas e moito humor. Pasamos unha tarde estupenda na compaña destes dous grandes artistas.
 

O 20 de Agosto realizamos esta actividade na Biblioteca de Darbo. O obradoiro estivo dirixido por Patricia, de “O faiado de Nin”. Os nenos e nenas puideron crear e debuxar as súas propias historias, que deron lugar a uns minicontos moi fermosos.

O pasado martes día 30 tivemos na biblioteca de Darbo a visita de Carmen Domech co seu espectáculo “Contos para pasalo de medo”.

Carmen, acompañada da Señora Antonia contounos cinco historias de medo cunha boa dose de humor e unha ambientación diferente para cada una delas.  A mellor forma de celebrar o Samaín cos rapaces e rapazas de Darbo, que quedaron encantados coa actuación.

Os nenos e nenas de Darbo o pasado mércores día 26 o pasaron en grande coa visita de Tarabelos e as súas “Fábulas”.  Un contacontos  moi ameno e participativo cos animais coma protagonistas.

O pasado xoves, 9 de Agosto, tivemos en Darbo este divertido obradoiro impartido por Patricia de “O faiado de Nin”. Os participantes realizaron os seus propios deseños de bolsas e mochilas para gardar libros, que quedaron do máis orixinal.

A tarde de onte tivemos na biblioteca unha visita moi especial: Lila e a súa familia chegaron a Darbo acompañados de Marta, que nos contou distintos contos, cada un dunha cor.

Tamén houbo música, bailes e outras sorpresas. Nenos e maoires desfrutamos moito da actuación.