Onte tivemos o gustazo que contar coa presenza de Alba Farto, debuxante e ilustradora, na bilio de Mondariz Balneario, onde nos ensinou moitísmo contido sobre a arte do deseño de letras co seu “Obradoiro de lettering”.

As participantes deron os primeiros pasos nesta arte empregando diferentes ferramentas para acadar o coñecemento mínimo que lles permita seguir a profundar nas súas casas e desenvolvan a súa creatividade.

Foi unha marabilla ter a Alba con nós e agardamos que pase outro día para profundar nas técnicas do lettering.

Hoxe veu visitarnos Francisco Castro, escritor, editor da editorial Galaxia e músico. A súa proposta foi unha actividade de poesía musicada “Poesiacordes”, que fixo desfrutar ao público asistente dunha escolma de poesías de autoras e autores galegos como Rosalía ou Cunqueiro a ritmo de guitarra. Foi unha marabilla telo aquí, recordando ás autoras e autores que se emitían pola radio, que tiveron un lugar importante na súa infancia e adolescencia.

Agardamos que volva visitarnos moi pronto con outra proposta tan fermosa e vibrante coma esta.

Charo Pita achegouse ate Mondariz Balneario para facer unha contada coa cativada máis pequerrecha da vila.  “Da cabeza aos pés” foi a actividade do programa Ler conta moito coa que brincaron, cantaron,  fixeron rimas e pasaron unha mañá ben divertida.

Quedamos encantadas coa visita de Charo e coa súa contada. Actividade moi recomendable para bebés

Onte veu visitarnos á biblioteca de  Mondariz-Balneario Xoán Curiel para presentarnos o espectáculo “Pobre Poesía”, no que lle pon música e voz ás poesías de autoras galegas como Rosalía, e doutras autoras relevantes doutras latitudes. O público tamén tivo a ocasión de desfrutar do seu disco “Nai”, un traballo poético propio cargado de simboloxía asociada ao feminino.

Unha tarde marabillosa na que o público desfrutou da música e dos poemas, e na que Xoán Curiel fíxonos partícipes da necesidade de visibilización das creadoras.

Hoxe á mañá a cativada máis cativa de Mondariz-Balneario desfrutou ao máximo coa contada de Batucado e Emusín, que nos presentou o conto “Unha tarde especial con Dori” cheo de aventuras, música e moito lucerío. A Dori pasáronlle moitas cousas pola cabeza para celebrar o aniversario da avoa, e todas elas fixeron que o noso público máis pequerrecho non perdese detalle da historia e pasara un rato ben divertido.

Unha mañá diferente para un público moi esixente!!!

Hoxe 13 de setembro veu visitarnos Nuria Vil, e propúxonos realizar un obradoiro de escrita fotográfica. Nel, as persoas que se inscribiron, aprenderon a traballar os relatos curtos e os textos poéticos mediante o uso das fotografías de varias artistas galegas. Todo elo, a través de distintas dinámicas para que agromase a creatividade entre o público asistente.

Aquí vos deixamos unha imaxe do obradoiro, onde podedes ver aos usuarios e usuarias traballando na biblioteca.

O público quedou moi satisfeito cos resultados. Unha actividade moi recomendable para o público xuvenil e adulto.

No día de onte, 22 de setembro o equipo de a nube de artear veu ensinarnos como facer robots coas pezas dos Lego. Faláronos das moitas funcións que actualmente fan os robots, trouxeron un dron e moito material para fabricar o noso propio robot. A cativada desfrutou moitísimo desta actividade e estamos desexando repetir.

No día de hoxe achegouse Carlos ate a biblioteca de Mondariz-Balneario para contarnos  cousiñas sobre o  Mago de Oz e a ensinarnos a deseñar traxes intelixentes con sensores de luz.

Falounos dos libros de Harry Potter, do Señor dos aneis e incluso dos libros dixitais. Dende hoxe xa sabemos empregar a tecnoloxía e-textil nas nosas creacións!!!

Unha tarde ben divertida e apaixonate sobre tecnoloxía, creatividade e libros na biblio, NON SE PODE PEDIR MÁIS!!

No día de onte pasou o mago Teto pola biblio a contarnos a gran historia da maxia.

O público disfrutou moitísimo con esta conferencia que nos achegou ata Exipto, á idade media, ao século XX e grazas a  Teto coñecemos  grandes magos e os seus trucos de maxia. Foi unha tarde moi espléndida a de onte, na que poidemos desfrutar de grandes xogos de maxia e na que grandes e pequenos participaron na súa execución.

A máquina do tempo na B.P.M de Mondariz-Balneario.

Onte achegaronse á biblioteca os compoñentes de Teatro Ghazafelhos para ensinarnos moitas cousiñas sobre as civilizacións. A doutora Mon e o seu axudante Pe leváronos de viaxe a todalas épocas, e o público asistente axudolles a facelo.

Foi un percorrido pola historia moi divertido que fixo que disfrutaran tanto a cativada como as persoas maiores. Grazas a teatro Ghazafelhos por esta tarde tan marabillosa.