O pasado 25 de setembro estivo con nós na biblioteca de Mondariz-Balneario a maga Leo Leíño, que nos trouxo unha actividade espectacular de maxia, coa que quedamos abraiadas e abraiados. Mediante a maxia, Leo e a súa axudante Cris, explicaronlles á cativada dun xeito moi fácil de comprender, que era o bulling, a figura do maltratador e do abusón, as desigualdades entre sexos, etc. Actividade moi moi recomendable para as bibliotecas!!

O día de onte, 19 de setembro,  tivemos a sorte de ter con nós ao equipo de Trécola teatro, que nos presentou a actividade “Sen medo”, onde aprendemos moitísimo sobre as grandes mulleres empoderadas da nósa sociedade e que nos fixeron pasar un rato ben divertido con contos, cancións e bailes.

O pasado 29 de setembro estivemos de concerto na Biblioteca de Mondariz-Balneario con Pakolas (Paco Cerdeira) e a súa escolma de música rock misturada con outros estilos e contos. Houbo un total de 30 participantes que o pasaron xenial.

Actividade moi moi recomendable

O sábado 28 de xullo ás 20:00 horas, estivo con nós David Ballesteros co seu espectáculo “A ciencia de Harry Potter” un espectáculo-charla cientifíca de inspiración Literaria. A través de experimentos espectaculares fumos percorrendo o mundo creado por J. L. Rowling e analizamos desde a óptica da Ciencia a viabilidade no mundo real ou non do universo literario de Harry Potter.  Todos quedamos abraiados coas súas explicacións e experimentos acerca do mundo fantástico que envolve a este personaxe. Actividade máis que recomendable tanto para nenos coma para maiores.

O Mago Paco estivo na Biblioteca de Mondariz-Balneario o pasado sábado 7  cun montón de contos e historias para descubrir “A maxia divertida” que hai escondida neles. Os nenos e nenas do noso concello desfrutaron moitísmo cos contos que nos trouxo o Mago Paco e coa súa maxia fíxonos rir moitísimo.