Onte, martes 6 de outubro, a Biblioteca Pública Municipal de Tui acolleu a sesión de contacontos de Carmen Domech co atrativo titulo de “Contos para pasalo de medo”.

Os rapaces e rapazas, xunto cos seus pais e nais, que asistiron disfrutaron das narracións de Carmen, dos seus monicreques, da súa imaxinación, dos seus relatos… quedamos todos abraiados, pero non polo  medo ou o terror senón polo humor e o amor que nos transmitiu Carmen na sesión.

O pasado día 29 o ilustrador Anxo Fariña estivo na Biblioteca Municipal de Tui co seu contacontos ilustrado “Dulcinea a nena cabaleira” que resultou moi animado para os 25 rapaces e rapazas (e algúns pais e nais) que participaron na actividade, que forma parte das actividades conmemorativas do 50 aniversario da nosa biblioteca.

O xoves 10 de outubro dentro do progrma que denominamos Mes da Biblioteca tivemos un obradoiro de ilustración para rapaces e rapazas entre 6 e 11 anos co ilustrador Xosé Tomás. No decurso da sesión os participantes amáis de coñecer como se ilustra un libro co todo o proceso creativo e de deseño que conleva, poideron coñecer os segredos do traballo de ilustrador de Xosé Tomás.

O pasado xoves 17 de outubro cerca de sesenta rapaces e rapazas tudenses participaron na sesión de contacontos musical “A música da auga” coa Bardo Abelardo. Ao longo da sesón todos os asistentes catamos, bailamos e contamos coas personaxes do mar e as súas aventuras. Foi unha sesión animada para os novos lectores que nela participaron.

Onte 24 de outubro, Día da Biblioteca, recibimos na Biblioteca Pública Municipal de Tui a Marisa Irimia que chegou cos contos da súa “Pirata escarlata” para os rapaces e rapazas usuarias da nosa Biblioteca, que ao longo da sesión participaron nas dinámicas de animación lectora de Marisa. Tantos os nenos e nenas (cerca de 40), como as nais e pais, se engancharon coas historia de sapos, principes e piratas que nos contou Marisa Irimia nesta visita.