A plataforma de tele formación EMA engade 20 novos cursos para todos os públicos

Estar sempre en continúa formación é unha das prácticas máis importantes a seguir na nosa carreira profesional. O mundo e as tecnoloxías cambian continuamente, polo que é necesario actualizarnos para coñecer como facer mellor o noso traballo ou, simplemente, saber como funcionan as cousas. Para poder seguir este camiño a Amtega pon a disposición de todos os cidadáns 20 novos cursos de formación a distancia.

Estes novos cursos abarcan multitude de temáticas relacionadas coas novas tecnoloxías e son totalmente gratuítos, teñen unha duración entre 4 e 10 horas e pódense realizar en calquera momento e lugar, xa que se seguirán a través da plataforma de teleformación EMA, na cal atopará todo o material dispoñible relacionado co curso que vai realizar.

Para apuntarse a algún dos cursos, é necesario ser usuario da rede CeMIT, un trámite que se pode facer totalmente online e sen custo algún. Estando rexistrado e apuntado ao curso, para poder terminalo e ter a acreditación de realizalo será necesario presentarse a un exame, o cal é obrigatorio facelo de maneira presencial nun aula CEMIT. Unha vez superado, obterase un diploma de realización asinado dixitalmente e o cal poderá ser verificado na sede electrónica da Xunta de Galicia.

A listaxe de cursos que están xa dispoñibles para todos a través da plataforma EMA é o seguinte:

– Control parental
– Seguridade informática
– Uso do libro electrónico
– Uso da tableta
– Uso da cámara dixital
– Uso dos dispositivos electrónicos
– O correcto aproveitamento dos smartphone
– Cloud computing
– Comercio electrónico
– Mercadotecnia e mercadotécnica nas redes
– Vendas no muro
– Posicionamiento social
– Creación de blogs
– Redes sociais
– Administración Electrónica
– Trámites económicos na Internet
– Factura electrónica
– Tramitación electrónica e xestión de documentación
– Seguridade en compras virtuais
– Innovación social