Cando comeza o colexio unha cousa que os pais e nais adoitámonos atopar son os grupos de Whatsapp dos colexios. Este tipo de grupos está formado por pais e nais onde comentan todo o que ocorre na clase e no colexio das súas fillas e fillas.
Estes grupos poden acabar saturando, xa que Whatsapp non é, quizais, a mellor maneira de facer este tipo de actividades. Hoxe ensinámosvos catro alternativas a este tipo de grupos que se poden utilizar para o mesmo fin que os grupos de pais e nais de Whatsapp.
Qids, organizando por temas
Qids é unha aplicación deseñada especificamente para este fin. De maneira gratuíta, permite crear espazos por temas (por exemplo, excursións, deberes ou exames) e escribir neles mensaxes que realmente importen. Desta maneira, evítase a conversación excesiva e favorece o filtrado de mensaxes por temas, convertendo a información en algo útil e organizado
Qids está dispoñible para iOS e para Android.
SmokeSignal, só mensaxes directas
SmokeSignal, como o seu nome indica, baséase na utilización só de mensaxes directas de información, deixando de lado toda a conversación que poida vir asociada. As mensaxes pódense clasificar por temas e a aplicación é gratuíta para Android e para iOS.
Telegram e a mensaxería eficiente
Do útil que pode ser Telegram á parte de para mandar mensaxes xa falamos en máis dunha ocasión. Esta é outra das súas características, xa que grazas aos supergrupos que ten o cliente de mensaxería, podemos crear un chat organizado, permitindo falar unicamente a certas persoas, destacar mensaxes, notificar aos membros ou enviar todo tipo de arquivos aos integrantes.