Esta semana seleccionáronse os dous proxectos gañadores da primeira edición “Vodafone Connecting For Good Galicia”, o programa impulsado pola Fundación Vodafone España en colaboración con Vodafone e a Xunta de Galicia a través da Axencia de Modernización de Galicia (Amtega), a Consellería de Economía, Emprego e Industria a través da Axencia Galega de Innovación (GAIN) e o Instituto Galego de Promoción Económica (IGAPE).
Este programa ten como obxectivo impulsar proxectos de emprendedores galegos que que contribúan á innovación social a través do impulso e uso das tecnoloxías
Para esta edición, seleccionáronse 6 iniciativas empresariais que chegaron á final e nesta primeira edición escolléronse dúas solucións para levar senllos premios: Robobo e Insulclock.
Robobo recicibiu unha axuda de 25.000€, concedida polaAxencia Galega de Innovación (GAIN), para levar a cabo o seu proxecto: un novo concepto de robot educativo que a través do Smartphone é capaz de recoñecer obxectos, sons ou caras. Grazas a isto, Robobo pretende ser unha ferramenta de aprendizaxe tecnolóxica que sirva ao estudante como un plus á hora de motivarse e aprender.
Doutra banda, o proxecto Insulclock gañou o Premio Conectados pola Accesibilidade , concedido pola Fundación Vodafone o, que consiste nun financiamento de 10.000€ por ser o proxecto que mellor incorporou os Principios de Accesibilidade Universal. Insulclock é un dispositivo electrónico que se axusta á pluma de insulina e permite controlar toda a información relativa a ela, podendo desta maneira monitorar a diabetes dunha forma moito máis exhaustiva.
Os outros catro proxectos escollidos para a final levaron un patrocinio de 2.000€ cada un cun programa de formación e mentoring contribuído pola Amtega.
Ademais dos escollidos, o anuncio serviu tamén para anunciar a nova convocatoria para os II Premios Connecting for Good Galicia. Pódense presentar candidaturas ata o 2 de xullo a través da páxina web da Fundación Vodafone. Tes máis información sobre a convocatoria e os posibles premios na súa páxina web.