Na biblioteca Municipal do Grove celebramos o “Día Internacional do Libro” na compañía de Trinketrinke Teatro.

Un nutrido grupo de rapaces e rapazas asistiron ao contacontos acompañados dos seus familiares, que tampouco quixeron perderse o espectáculo. “Riciños de Ouro e os Tres Osos” é un conto que nunca pasa de moda, imprescindible para a animación á lectura dos pre-lectores e primeiros lectores.

Unha divertida mañá de sábado na que grandes e pequenos o pasaron en grande escoitando contos, cantando, bailando e xogando co rato Fuco.