O venres 12 de maio tivemos un contacontos ilustrado e musicado que nos permitiu coñecer a figura de Francisco Fernández del Riego. Unha tarde onde pequenos e non tan pequenos disfrutamos e coñecemos mais da vida do escritor homenaxeado este ano no Día das Letras Galegas.

Ao final realizouse un obradoiro de debuxo, onde todos seguindo as indicacións do ilustrador Carlos Taboada realizamos a caricatura do protagonista da nosa historia.

Unha forma moi divertida de coñecer a vida deste personaxe ilustre das nosas letras.

Onte os nenos e nenas do CEIP Rosalia de Castro do Grove gozaron do espectáculo Conta Canta con Blanca Millan e R.J. Peralta

O escritor, R.J. Peralta e a ilustradora, Blanca Millán fixeron un repaso de todos os seus contos editados. Mesturaron música e narración nunha mañá moi divertida e amena na que os mais cativos participaron en todo momento das cancións e dos contos.

O 28 de abril, a partir das 17.30 h, tivo lugar na Biblioteca do Grove “Paxariños” a cargo de Trinketrinke Teatro.

Vanessa, actriz condutora da actividade, ten un xardín, turelí. No xardín hai un niño, tureló. No niño hai un ovo, turelí. Espera que dese ovo enorme que nos mostra, naza un paxariño. E fai tódolos preparativos necesarios para recibilo da mellor maneira posible.

A música, os obxectos e a narración a xeito de cantarela cautivaron a atención do público asistente.

O Venres 28 de abril tivemos a visita da ratiña Lilly, que viña dende Lonxedetodo para contarnos unhas historias moi tiernas. No seu xardín, turelí. Hai un noño, tureló. No niño hai un ovo, turelí. Espera que dese ovo enorme que nos mostra, naza un paxariño. E fará o imposible para que naza de mellor maneira posible. iso faino con musica, con contos que cautivaron a todos os nenos e nenas que participaron da actividade.

Expresión Producións achegou á biblioteca do Grove “O Libro Vivo”, un espectáculo de animación á lectura con teatro, contacontos, monicreques, cancións e maxia; interactivo, dinámico e divertido.

Grandes e pequenos desfrutaron coas historias, personaxes, maxia, que deron pe a xogos para divertirse e pasalo ben mentras disfrutaban do mundo dos libros. Un espectáculo onde o fio é a ilusión, a maxia e os libros.

OQO achegou á biblioteca do Grove o seu espectáculo “Contos da Leiteira” con varias historias de empoderamento femenino, ás veces con mulleres de carne e óso, e outras, representadas por animais; como a galiña do conto “O galo traganoces”, outras veces con marcados clixés e tradicionalismo; como no conto “A máscara do león”, que agocha unha crítica a todos aqueles que viven as súas vidas conforme ao que os demais agardan deles.

“Os contos da Leiteira” no Grove

Tamén alertaron das dificultades de alcanzar algo tan esencial como é a identidade persoal, o recoñecemento a ser un mesmo.

Tarabelos achegou á biblioteca Municipal do Grove o seu espectáculo “Contos nunha roda: Manuela e Manuel”  cunha técnica de contar historias, que forma parte da cultura xaponesa, e que conecta dúas artes: a narración oral e a ilustración.  Tradicionalmente o Kamishibai, vai montado na bicicleta dun Gaito Kamishibaiya e percorre as vilas e aldeas facendo pequenos espectáculos nas prazas; este Kamishibai “tarabelizado” desprázase polo voso cole nunha soa roda cargado de contos e lendas coa misma intención.

Así contou ao público asistente a divertida historia segreda de Manuela e Manuel, unha historia para romper estereotipos.

Os Ratos de Lonxedetodo montaron na biblioteca a oficina da “Asociación de Animais Solidarios”.

A través de debuxos, contos e música prestaron axuda a animais do mundo que están con problemas debido ao cambio climático.

Espectáculo con música, narración oral e monicreques que fixeron as delicias de grandes e pequenos na biblioteca .

Este martes 31 de agosto, na Biblioteca Pública Municipal do Grove, tivemos un obradoiro no que o analóxico e o tecnolóxico se fusionan para dar paso a un produto único. Nada máis e nada menos que unha animación creada polos propios participantes! O resultado foi xenial e esperamos que voltedes de novo, as participantes quedaron encantadas!

Esta mañá tivemos o obradoiro creativo “Animalario Fantástico” a cargo de Crearte Servizos Culturais! Durante esta actividade as pequenas e pequenos puideron coñecer unha ampla variedade de animais pertencentes a diversas mitoloxías, un aprendizaxe para abrir a mente, para descubrir novas formas. Ao remate da avtividade cada un e cada unha puideron levar consigo o seu libro personalizado coa súa creación propia, todo un éxito!