O pasado sábado 19 de maio, actuou en Muxía Raquel Queizás, co seu espectáculo de narración oral “Ruta propia”, baseado en Mª Victoria Moreno. Actividade moi recomendable para achegar aos máis novos a vida e obra  da autora homenaxeada nas Letras Galegas.

O pasado mércores 16 de maio na biblioteca municipal de Poio gozamos, con Marta Ortíz, dos Contos da Festa no faiado, onde grandes e pequenos coñeceron un pouco máis a María Victoria Moreno, e da man de Uxía e Gato viviron historias cheas de imaxinación e maxia.

Pola tarde na Biblioteca Pública Municipal de Nigrán, Raquel Queizás contou, cantou e bailou cousas de María Victoria Moreno coa Ruta propia na Teresita.

“Os Contos da Festa no Faiado” é unha sesión de contos para achegar ás nenas e nenos a figura de María Victoria Moreno, ao seu mundo divertido cheo de amor pola lingua galega, os animais, as viaxes, o mar… Contos cheos de preguntas, para que o público interactúe, inventando e enchendo de vida os contos contados.

Excelente acollida do evento homenaxe a María Vitoria Moreno, a cal se adicou as Letras Galegas 2018, estivo Marta Ortíz na Biblioteca de Noia cunha moi boa participación por parte dos nen@s.

En Camariñas celebramos as Letras Galegas con Xan Perillán e a súa maleta máxica. O espectáculo está dirixido ao público familiar e infantil e mestura clown, pantomima, maxia e manipulación de títeres.

A  maioría dos asitentes valoraron como excelente tanto o contido da actividade coma o profesional que a relizou. As gargalladas dos nenos foron o mellor indicador de que estaban gozando coa función.  Ademais, axudáronnos con moita desenvoltura a repartir os premios do Certame Literario Letras Galegas que organiza a biblioteca municipal .

Altamente recomendable.