O pasado venres, para celebrar o día europeo das línguas, visitounos Raquel Queizás co seu espectáculo “Ruta propia”.  Grandes e pequenos desfrutaron con esta recreación do mundo de María Victoria Moreno.

O sábado 29 tivemos na BPM de Boiro un obradoiro de Creatividade da man de Ciencia en Movemento.

Os nosos cativos tiveron que empregar toda a súa creatividade, imaxinación e lóxica  para superar os misterios  tales con tinta invisible, torres imposibles, buratos xigantes e moitos dilemas.

Pasámolo xenial!

A ratiña de biblioteca Lilí Gruyere veu visitarnos a bliblioteca de Riotorto para compartir con nos as historias que sua avoa lle ensinara: recordos, cancións, xogos…houbo de todo, moita emotividade pero tamén moita diversión.

Lilí Gruyere contounos historias, leunos dous libros, fixemos xogos coa participación de nenos/as e pais, teatralizou unha fermosa historia de dous velliños con monicreques e ata bailamos.

Pasamos unha grata tarde na compaña desta ratiña.

O venres, 28 de setembro, tivemos o pracer de recibir a Migallas teatro na biblioteca de Mera (Oleiros).

Migallas engaiolou ao seu público co  espectáculo Canta connosco! desde o primeiro momento. Pasamos unha tarde verdadeiramente divertida en familia na que os cativos e maiores cantamos, bailamos e sobre todo non paramos de rir.

Os nenos e nenas de Darbo o pasado mércores día 26 o pasaron en grande coa visita de Tarabelos e as súas “Fábulas”.  Un contacontos  moi ameno e participativo cos animais coma protagonistas.

Co espectáculo de Teatro Calavera, nenos e nenas desfrutaron coas aventuras do cociñeiro Antón e da pasteleira Tomasa, ademais, cociñaron cos personaxes do conto, decorando magdalenas coa pasta de azucre, nun obradoiro que fixeron ao final da obra.

OS RAPACES E RAPAZAS DE INFANTIL DO COLEXIO PECALAMA ASISTIRON A ESTE CONCERTO CON MOITA INTERACCIÓN DO PÚBLICO, ONDE APARECERON DIFERENTES PERSONAXES EN CADA CANCIÓN PARA ACHEGAR A POESÍA AOS MÁIS PERQUENOS.

Os alumnos/as de 3º e 4º de ESO do colexio Pecalama gozaron da maxia e a literatura e aprenderon sobre a vida e obra de María Victoria Moreno da man de Martín Camiña neste espectáculo máxico e literario.

A semana pasada visitáronnos de novo “Migallas Teatro” co seu contacontos ” Os contos do Chupete” . Agardábanos  na biblioteca  os máis cativos da casa, pero  non por iso os menos esixentes..Bea e Jony non os defraudaron, a súa música  e as súas historias mantiveron en todo momento atención dun público moi entregado.

Un gran aplauso para Migallas !!