Onte 22/04/2025 na Biblioteca Gonzalo Torrente Ballester de Bueu démoslle a benvida ao día do Libro co comezo da actividade de animación á lectura, Contos na biblioteca, esta actividade continuará o vindeiro día 29 de abril na Biblioteca de Beluso e rematará o 8 de maio na Biblioteca de Cela.  Onte a rapazada divertiuse moitísimo coas historias do Gato Fazulas que acompañado do profesor fixo as delicias dos máis pequenos e tamén dos adultos que os acompañaron. E dende a biblioteca agradecer a visita tanto dos usuarios como a actuación de Fran co seu inseparable gato.