O pasado xoves, 16 de outubro, ás 18:30 h, a Biblioteca Central acolleu a actuación de Trinke Trinke – 🐭📚 Os Ratos de Lonxedetodo, que volveron a encher de maxia e alegría o noso espazo. Houbo unha gran asistencia e entusiasmo, con 28 nenas e nenos e 21 persoas adultas que gozaron dunha tarde chea de música, contos e imaxinación.

O rato Fuco visitou a biblioteca acompañado das cancións do seu álbum ilustrado musical “Viaxes e Cancións dos Ratos de Lonxedetodo”, que xa foi un éxito de vendas en varias librarías de Galicia. Entre risas, historias e melodías, o público viaxou con el por mundos de fantasía e lembranza.

Foi un encontro especial, cheo de tradición, literatura e música, que deixou un moi bo sabor de boca e moitas ganas de repetir.

Betty Queiro presentou “Podes atopar o teu camiño”, unha historia chea de curiosidade e creatividade que encantou ao público.

As meniñas e meniños (20) acompañadas de persoas adultas (19),  asistiron e gozaron lendo e cantando mentres aprendían inglés e galego, nun ambiente alegre e participativo; demostrando que aprender tamén pode ser unha aventura.

El jueves 2 de octubre, a las 18.30 horas, la sala se llenó de risas y miradas curiosas.

Mere apareció con su inseparable maleta y, en cuanto se puso en el papel de su álter ego, el abuelo viajero, sintió la magia. La niña y los adultos que la acompañaban escucharon atentamente mientras historias divertidas, leyendas de mujeres valientes y pequeñas sorpresas que les hacían brillar los ojos salían de la maleta.

Entre bromas, anécdotas y momentos de emotividad, los asistentes recorrieron historias que hablaban de amor a Galicia, de lucha y de libertad.

Hubo risas compartidas y aplausos que cerraron cada relato, en una tarde que dejó en el aire la fuerza de nuestras raíces contadas desde el corazón.

Esta tarde gozamos con “Atlántico a viaxe da nosa vida” unha historia para a rapazada, centrada en descubrir os procesos migratorios que marcaron a Galicia, a través dos debuxos do soado autor Castelao. Nenos e nenas mergúllanse nunha aventura de amor, identidade e memoria, creando os seus propios debuxos inspirados nas obras do autor. Con cada trazo, os mozos participantes non só exploran a obra de Castelao, senón tamén a historia de tantos galegos que, como el, viviron o desarraigamento e o retorno. Esta experiencia fixo que os participantes desfrutaran dunha xornada lúdica e educativa.

Día de animación e diversión na Biblioteca Central de Arteixo con Antón e Tomasa. A bruxa e o mago fixeron que a rapazada participase dunha actuación chea de ilusión, música e xogos. A globoflexia tamén foi parte importante deste evento festeiro.

Esta tarde, a biblioteca foi o escenario dunha animación musical a cargo de Betty Queiro, con cancións en inglés para nenos e nenas de entre 4 e 11 anos. Tamén asistiron algúns pais e nais que gozaron xunto aos máis pequenos. A actividade, que durou aproximadamente unha hora, foi un espazo de diversión e aprendizaxe para todos. A música permitiu que tanto nenas, nenos, como as súas familias, vivisen unha experiencia entretida e educativa. Foi unha xornada festeira da que gozaron todos os asistentes.

Na tarde do xoves 26, tivemos a sorte de contar con Fran Campos para amenizar a tarde con música e contadas que fixeron as delicias dos participantes. Tanto a rapazada como as persoas adultas puideron gozar con “Filipa” e as súas historias. A música, a través da guitarra tamén foi unha parte fundamental da actuación. Ao final do evento nenos e nenas solicitaron de Fran unha foto con “Filipa” para ter un recordo. Todas as persoas asistentes gozaron da actividade e pasaron unha tarde divertida.

Este xoves, día 19 estivo connosco Atenea, a súa forma de narrar os contos fixo que o público asistente non perdera o fío das historias en ningún momento. A interacción entre a rapazada e a profesional tamén foi un estímulo para os participantes e fixo máis dinámica a actuación. As persoas adultas e a rapazada gozaron do espectáculo ao mesmo tempo que enriquecían o seu vocabulario con xogos e cuestións que Atenea lles plantexaba.

O mago Charly estivo connosco este xoves. A rapazada permanecía atenta ao espectáculo, e aínda que non querían crer o que estaban vendo, pensando que todo era produto da súa imaxinación… puideron decatarse de que todo era certo!

A tarde foi un éxito de asistencia, tanto a rapazada como os pais e nais presentes gozaron do espectáculo e, ata chegaron a ser partícipes cando o mago necesitou da súa axuda.

Onte, tivemos o pracer de gozar dunha actividade didáctica ao mesmo tempo que divertida. A rapazada participante estivo inmersa no mundo de Picasso durante o seu desenvolvemento. En primeiro lugar tiveron ocasión de visionar unhas imaxes sobre a vida do artista e sobre a súa obra xa, máis tarde pasaron á parte práctica e seguindo as instrucións dos monitores conseguiron facer e pintar unhas figuras cubistas en cartolina que puideron levar para as súas casas. A actividade foi un éxito e todos os participantes saíron moi contentos.