Na tarde do mércores, día 23, os cativos e cativas de Arteixo puideron gozar dunha tarde divertida na compañía dos seus pais e nais por conta de Charo Pita. A actuación, “Dondondirindonga e Dondondirindón” espertou a curiosidade dos asistentes. Dondondirindonga e Dondondirindón son dúas campás que viven no alto dunha torre. O mundo todo coñece o seu cantar, pero un día as campás enmudecen. Quen será capaz de devolverlles a voz?

Esta representación, chea de sons, fixo que os participantes non perdesen o fío da historia que Charo lles transmitía con moita paixón, resultou un éxito e pasaróno todos moi ben.

Na tarde do xoves, día 17 de outubro, estivo connosco Trémola Teatro, as profesionais fixeron unha contada baseada en adaptacións de contos populares. O “Monstro Rosa” foi a persoaxe principal que amenizou a función, as historias de monstros divertiron a nenos e nenas, así como aos adultos asistentes. A satisfacción dos presentes, fixo que a maoría deles ao término da actuación levaran en préstamo libros relacionados cas contadas que acababan de presenciar.

Este xoves día 10 de outubro ás 18.30 horas, case 30 persoas entre adultos e crianzas achegarónse, da man de Miguel Cortés, á arte milenaria da papiroflexia. Partindo de simples cadrados de papel iremos dándolles forma ata chegar a facer figuras con e sen movemento coas que os pequenos e os non tan pequenos van poder xogar e deixar voar a súa imaxinación.

Todas as persoas participantes levaron as súas obras nunha caixiña como recordo.

O Señor Basilio é o bibliotecario da biblioteca onde Carlos, dende pequeno, descubriu a súa paixón polos libros, un destes libros espertou nel o interese pola maxia, dende que leu ese libro adicouse por completo o mundo do ilusionismo.

Este espectáculo de historias bibliotecarias e trucos de maxia encandeou os asistentes que pasaron unha tarde divertida co Señor Basilio e Carlos.

Cristina Collazo amenizou a tarde deste xoves día 10, coa a súa particular adaptación da obra “Pepa a loba”. Nesta historia na que se mestura a música e a danza, podemos apreciar valores como a amizade e a rebelión feminina, a protagonista da sobradas mostras destes valores.

O público gozou dunha interpretación de moita calidade e, ao remate da función mesmo se interesaron na literatura dispoñible na biblioteca referente a personaxe da obra.

Este martes 8 de outubro, a escritora Eli Ríos propuxo, partindo da primeira novela galega escrita sen xénero “DX”, abordar a diversidade sexual, a pornografía, as relacións consensuadas e o amor na adolescencia con rapazada do Instituto de Secundaria “Manuel Murguía” de Arteixo.

Preto dunhas 60 alumnas e alumnos pasaron pola biblioteca a escoitar a Eli e a participar e debatir sobre todas estas cuestións e ideas.

O xoves, 3 de outubro pola mañá estivo connosco Raquel Queizás. O motivo da súa visita foi a representación do espectáculo “Somos iguais”, enmarcado dentro da categoría Igualdade e Violencia de xénero.

Esta representación estivo dirixida a alumnos das exolas infantís do Concello de Arteixo que visitaron a Biblioteca (para algúns deles, a súa primeira vez). Nesta contada, Raquel a través das súas historias amosou os cativos e cativas que todos somos iguais independentemente do noso xénero, que temos a mesma sensibilidade, que non importan as cores a hora de vestirnos, etc. e, en definintiva que temos que desterrar todos aqueles estereotipos relacionados co xénero que aínda están inmersos na sociedade actual.

Os nenos e nenas cantaron, balilaron e participaron da actuación e pasaron unha mañá moi divertida acompañados dos seus profesores.

“1!2!3! A que non o ves?”, este é o nome da actividade ca que cativos/as e acompañantes gozaron na tarde do xoves 3 de outubro na Biblioteca.

A protagonista da historia foi unha exploradora que dende nena tíñalle moito medo os monstros, pero agora que xa é maior decide ir en busca deles percorrendo diferentes paises nos que lle suceden historias moi divertidas.

Este martes, día 24, estivo na Biblioteca Central Municipal “Henrique Rabuñal” de Arteixo Pedro Brandariz co seu espectáculo infantil “Non máis princesas”.
O principal obxectivo desta representación é promover a igualdade de xénero e a prevención das violencias machistas entre os máis pequen@s.
O número comezou as 18:30 h. e tivo unha duración aproximada de 1 hora, a rapazada e acompañantes gozaron dunha actuación protagonizada por personaxes femeninos que escapan dos estereotipos e dos roles clásicos de xénero.

Na tarde do xoves 25, gozamos dunha aventura gastronómica no que a imaxinación e os libros foron os ingredientes principais destes pratos virtuais que elbaoraron os participantes.

Este Obradoiro dalle a oportunidade aos nenos e nenas participantes de confeccionar os seus propios cubertos facendo debuxos cheos de cores que forman un decorado único e irrepetible.