O día 15 de outubro tivemos este interesante obradoino, no que cada participante creou un monicreque  de culler partindo do seu personaxe de ficción preferido, o que deu como resultado un marabilloso grupo de figuras divertidas e orixinais.

O martes, 8 de outubro, visitounos Ana Carreira con Eu non quero. Contou historias que poñen en valor a igualdade e fomentou a participación da rapazada que o pasou de marabilla.

O día 1 de outubro visitounos Betty Queiro coa súa actividade Podes atopar o teu camiño. You can find your way.

Nela cantou e contou unha historia en galego e en inglés, acompañada por Carmen no teclado, na que se puxo en valor a colaboración e se fomentou a creatividade da rapazada.

Xela e o dragón viviron unha aventura emocionante coa axuda do público asistente, que opinou e aconsellou aos personaxes.

O público pasouno de marabilla con Lupa, unha nena vikinga, que despois dunha longa viaxe en barco, chega a Galicia onde vai vivir interesantes aventuras e ademais as crianzas participaron nun bonito obradoiro.

Betty, acompañada por Carmen ao piano, cantou promovendo a participación do público. Utilizou o inglés e o galego para potenciar as actividades en grupo valorando o feito de que cada persoa é diferente.

Para rematar, as crianzas fixeron un debuxo colectivo.

O 25 de setembro visitounos Pablísimo coa súa bici, que viña cargada de obxectos cos que deu vida a contos de diferentes países.

 En toda a actividade as persoas asistentes tiveron moita participación e divertimento.

As nenas e nenos asistentes pasaron unha tarde deliciosa cos monicreques que se moveron por diferentes escenarios e lograron manter a atención en todo momento.

Realizouse o día 18 de outubro de 2023.

O mércores, 11 de outubro cada participante debuxou, a lapis, un conto en seis viñetas.

O mércores 27 de setembro, o público pasouno de marabilla con Miguel Guido e as aventuras do lobo que pasou de ser feroz a ser feliz. Cantado e contado de maneira moi divertida.