O mércores 27 de setembro, o público pasouno de marabilla con Miguel Guido e as aventuras do lobo que pasou de ser feroz a ser feliz. Cantado e contado de maneira moi divertida.

O día 19 de outubro as crianzas realizaron esculturas utilizando papel e a súa imaxinación, baixo a dirección de Electra Menéndez que en todo momento estivo pendente do traballo de cada persoa.

Por iso, nenas e nenos remataron felizmente as súas figuras.

O día 5 de outubro tivemos a actividade Ramon Órbita, a dona do tempo.  Pakolas contou as aventuras da protagonista coa súa máquina e para iso cantou numerosas cancións a ritmo de rock e, en todo momento, motivou a participación do público.

O mércores 28 a rapazada pasouno de marabilla coa actividade Habelas hainas. Tendo como telón de fondo as tradicións galegas, a verdadeira protagonista foi a maxia que axudada pola música e uns efectos especias magníficos creou o ambiente ideal para que o público asistente vivise unha tarde chea de emocións e diversión.

Neste obradoiro, realizado o día 20 de outubro, as crianzas participantes debuxaron e colorearon seres míticos de Galicia.

Onte Niko dirixiu un obradoiro no que as crianzas, tanto de modo individual como en grupo, aprenderon a facer trucos de maxia con obxectos cotiás, a ilusión incrementouse cando souberon que os podían levar para seguir practicando nas súas casas.

O día 29 de setembro, ás 18.30 h, as crianzas asistiron a unha actividade chea de cancións na que tiveron unha participación moi activa e o resultado foi estupendo.

O día 21 de outubro as crianzas aprenderon a traballar con papel partindo das formas xeométricas habituais no deseño galego, ao mesmo tempo aplicaron os gustos e a creatividade individuais.

Con iso lograron facer unhas esculturas moi interesantes.

O mércores, 14 de outubro, os ovos foron os protagonistas de contos e adiviñas acompañados por obxectos que producían son, monicreques e música. O resultado da mestura foi unha actividade moi interesante e divertida na que as crianzas participaron de forma activa.

O día 7 de outubro no obradoiro Imaxinar tamén conta Celtia Figueiras, coa axuda do seu monicreque Roi Leo, mesturou diversas técnicas e libros da biblioteca para mellorar a capacidade de imaxinación e tamén a comprensión lectora das crianzas que pasaron 75 minutos de diversión e aprendizaxe.