As rapazas e rapaces de Laxe desfrutaron dunha sesión de contacontos manipulativo onde observaron os distintos materiais para elaborar un libro, viron os libros máis raros da historia e aprenderon a facer coas súas mans un minilibro.

As asistentes fixeron figuras decorativas con luz sobre distintas superficies, aprenderon a contar a súa historia con varias tecnoloxías (leds, electroluminiscencia e video mapping) e puideron deseñar traxes “intelixentes” (wereables) con sensores e luces.

Realizamos un obradoiro tecnolóxico onde as nenas e nenos aprenderon de forma lúdica conceptos básicos de programación, robótica e electrónica. Xogaron e construíron os seus propios robots de “LEGO Mindstorms”, “LEGO Spike”, xogaron con esferas intelixentes “Sphero Mini” e tamén con outros dispositivos electrónicos.

Trala chegada dos monitores, a actividade procurou achegar aos máis novos e novas ás tecnoloxías do futuro desde o centro cultural que é a biblioteca. Ademais de aprender fundamentos básicos e coñecer o fondo científico-técnico dispoñible na súa biblioteca, os e as participantes puideron fabricar o seu propio robot e levalo para a casa.

O pasado sábado 21 de setembro pola tarde celebrouse o obradoiro “Con ciencia de muller” na nosa biblioteca. Unha monitora, caracterizada como científica, presentou de forma lúdica algunhas das científicas galegas máis destacadas, dando exemplos dos seus logros nos seus respectivos campos e amosándoas como referentes para as xeracións presentes e futuras, promovendo así a igualdade de oportunidades entre mulleres e homes na área científica e tecnolóxica. Estas presentacións intercaláronse con experimentos sorprendentes, buscando fomentar o interese pola ciencia, especialmente entre as nenas. 

O pasado sábado 14 de setembro ás 18:00 horas realizaouse o obradoiro con lixo mariño de Alivavá na sala Valle-Inclán da biblioteca municipal. Este iniciouse cunha charla sobre a incidencia negativa dos plásticos no medioambiente e nos seres vivos. A continuación, afondouse neste problema a través dun obradoiro no que se traballou con lixo mariño atopado na Costa da Morte. As participantes desenvolveron as súas habilidades creativas utilizando o refugallo, xa limpo e preparado, que se puxo á súa disposición. Seguindo unha temática adaptada á contorna , empregáronse pistolas de silicona e pinturas coas que as participantes elaboraron as súas propias pezas artísticas, nun proceso de transformación do lixo en arte. A actividade tiña como  obxectivo a concienciación medioambiental por medio da creatividade.

O sábado 9 de setembro, gozamos en Laxe do Megaobradoiro de Globoflexia dirixido por Ian e Elisa que foi do máis divertido!

Pequenos/as e maiores aprendemos a facer varias formas cos globos: coroas, cans, serpes, espadas… E iso non  foi todo!

Tamén houbo espazo para a música, os contos e a maxia, que, sen dúbida, fixeron que a cita fose dun dez!

O Mago Paco visitou o edificio da Biblioteca Municipal Antón Zapata e Salón de Actos Culturais  o pasado sábado, 2 de setembro, deste 2023.

Pequenos/as e maiores, descubrimos e gozamos co seu espectáculo de “Maxia divertida, Contamaxias” a través do que nos amosou a maxia que agochan moitos dos contos e historias atopamos nos libros!

Un espectáculo cheo de humor e participación que non deixou a ninguén do público indiferente!

Como non podía ser doutra maneira público entregado a esta arte de orixe xaponés , creatividade, habilidade motriz e moita concentración foi o despregamento dos asistente para unha actividade que resultou moi entretida e que soubo a pouco. Miguel Cortés Hernández foi o encargado de guiarnos no proceso de iniciación.