O pasado 24 de outubro a Biblioteca foi tomada por pequenos e pequenas detectives que grazas a cooperación e ao enxeño resolveron os misterios agochados entres os estantes de libros.
Unha actividade moi divertida coa que celebramos o día da Biblioteca para chegar este espazo aos pequenos e pequenas do noso concello. Misterios resoltos!
O día 6 de agosto na Área Recreativa de Samugueiros, Xoán Curiel ofreceu un concerto especial no que cantou a autores e autoras relevantes para as Letras Galegas.
Foi un concerto participativo e conmemorativo para todos os públicos.
O pasado 31 de maio as 20:00 horas na casa da Cultura Olga Novo, remata o mes das letras con “Alma de Grilo”, unha peza de teatro literario con música en directo de Vadim Yukhnievich baseada no libro homónimo de María García.
O canto dos grilos é o fío conductor das historias que nos presenta esta obra de Ítaca Teatro, e que nos fala das debilidades humanas, das fortalezas, e sobre todo, dos paradoxos
A Biblioteca da Pobra do Brollón transformouse nun “escape room” baseado no libro “Plan de rescate” de Antía Yáñez.
A rapazada tivo que seguir as pistas para escapar da biblioteca e rescatar as compañeiras e compañeiros que ficaran atrás.
Unha actividade onde os cativ@s coñeceron o espazo da biblioteca e onde disfrutaron durante unha hora buscando as pistas que estaban agochadas
O día 19 de outubro, Yolanda Castaño, achegounos os seus versos, cun xeito moi atractivo, coa súa maneira de recitar chea de maxia, emoción e sentimento. Non deixou a ninguén indiferente.
¡ Foi espectacular!!!
Foi un pracer recibir o xoves 19 na Biblioteca da Pobra do Brollón á poeta Yolanda Castaño, recentemente galardoada co Premio Nacional de Poesía. Castaño falou dos seus inicios na escritura e dos obstáculos que atopou como muller ao comezar a súa carreira con tan só 17 anos ata posicionar na actualidade a poesía en galego na escena internacional. A charla rematou recitando poemas do seu último libro “Materia”
O día 19 de outubro con motivo da celebración do día das Bibliotecas, Yolanda Castaño recitou versos rimados sobre o seu libro “coller as rendas” dirixidos a público infantil. Coa participación dos nenos e nenas, fomentando o gusto pola lectura, xénero poético, o coidado dos animais e das plantas, a igualdade entre xéneros e autonomía persoal.
Foi un pracer poder contar con Yolanda Castaño “Prenio Nacional de Poesía 2023”
O venres día 22 de setembro ás 17:00 horas tivo lugar na Biblioteca Municipal da Pobra do Brollón a actividade de divulgación do coñecemento, onde as familias e persoas coidadoras aprenderon e resolveron dúvidas afectivo sexuais en relación @s nen@s do fogar. Traballando a través de contos ilustrados, poesía, etc
O venres día 21 de outubro, festexamos o día das Bibliotecas, na compaña de Carmen Domech, co seu contacontos de marionetas e narración oral “contos para pasalo de medo”,dunha maneira moi divertida, na que os nenos e adultos foron os verdadeiros protagonistas. Pasámolo xenial. Grazas a Carmen Domech pola visita!!
O día 21 de maio, festexamos na Biblioteca o día das Letras Galegas, na compaña do Mago Paco co seu espectáculo “Hocus Pocus”, no que se mestura contos e máxia dunha maneira moi divertida e diferente, na que os nenos e adultos foron os verdadeiros protagonistas. Pasámolo xenial. Grazas a Mago Paco pola visita!!!
Séguenos