Na biblioteca “Rosalía de Castro” de Arzúa desenvolveuse unha actividade de títeres titulada “O mago Alberte ten moito conto” na que, de xeito participativo, se aborda o problema do “bulling” propoñendo solucións.

Un espectáculo de maxia, libros e globoflexia engaiolou a nen@s e maiores na biblioteca Rosalía de Castro de Arzúa. Un mago saído dunha lenda e a súa axudanta practicaron maxia e globoflexia nun taller no que participaron activamente nen@s e adultos.

O sábado 28 de xullo o Bardo Abelardo visitou a Biblioteca Municipal Rosalía de Castro de Arzúa para nos achegar A música das árbores, un espectáculo de música, teatro e danza que fixo as delicias dos máis pequenos.

Graciano Zoqueiro, trasniño e gaiteiro, descubriu que as árbores facían música. Cando o vento move as pólas nace unha sinfonía. Cando a choiva cae nas follas soa un violín, unha gaita, unha zanfona. Cada vez que unha treboada fai danzar os freixos ármase un espectáculo de ballet.

A Biblioteca Municipal Rosalía de Castro de Arzúa recibiu o venres 27 de xullo a Marisa Irimia, que nos descubriu a emocionante historia d’A biblioteca secreta.

Narración oral para pequenos/as e non tanto que nos achega a dureza da guerra de Siria, mais tamén a esperanza das boas accións. En Darayya, persoas voluntarias recollen 14.000 libros de casas danadas polos bombardeos. Así conseguen crear unha biblioteca secreta, unha bilbioteca que garda miles de historias e aventuras.

A biblioteca secreta en Arzúa

Yolanda Castaño creou na nosa biblioteca un espazo de poesía, contos, palabras e letras moi interesante. Engaiolou a atencion dos cativos cunha actividade que se alongou máis dunha hora.

Coa acticvidade Mamá e Papá nos audiolibros. Obradoiro de gravación de audiolibros infantís”,  crearonse espazos de divertimento, lectura e expresión oral e corporal. O próximo día dez de maio crearase na biblioteca un audioconto coa participación de nenos e adultos.

“

A Rosalía” foi unha activadade en lembranza de Rosalía de Castro.
Celebrouse o 24 de febreiro cadrando ca data do seu pasamento.
Participaron nenos dos dous colexios de infantil e primaria
e adultos usuarios da Biblioteca.

Deuse lectura á partida de nacemento de Rosalía, á acta de matrimonio,
e a algunhas cartas das que parece desprenderse que ela e Murguía non eran
unha parella moi ben avida. Rematouse coa lectura da acta de defunción.

Mentres tanto, nenos e maiores ían lendo poemas de “Cantares Gallegos”

A música correu a cargo de Mini e Mero. O remate foi do profesor de
violín do conservatorio de música con “Negra sombra”.

A actividade foi retransmitida en directo pola Radio Local

Unha hora de contos de fadas trampeiras,  príncipes malvados e meigas máis boas có pan.

Un mundo visto do reves.

Unha función na que se divertiron  nenos e pais acarón dos libros.