O pasado sábado o artista Pakolas estivo en Rodiño (Boqueixón) contando e cantando a historia de Ramona Órbita que viaxa na máquina do tempo para procurar un mundo máis ecolóxico.
Moita diversión e participación do público co seu estilo rockeiro !!!

Raquel Queizás abríu a maleta da avoa no noso concello para amosarlles aos nenos e nenas os pequenos tesouros que leva nela. Contos da avoa con trasnos rebulideiros,  mouras, bonecas con carozos…. Contos e lendas tradicionais galegas para conmemorar o Día das Bibliotecas.

O 21 de abril preto dunha trintena de rapaces e rapazas achegáronse á nosa biblioteca para celebrar o Día do libro cun espectáculo de contacontos do máis entretido. Celtia, da Xanela do Maxín conseguíuno con Lúa quere viaxar a ….Marte, un conto cheo de aventuras que versa sobre a igualdade no que malia todos os atrancos  e dificultades , a gata Lúa non está disposta a renunciar aos seus soños. O público tampouco …… e desfrutouno  un montón!!!

Máis de sesenta persoas desfrutaron co espectáculo de maxia e humor” 1º Galicia ilusiona coa maxia” de Pedro Bugarín. Fabulosa tarde de celebración con promoción das últimas novidades da nosa biblioteca.

Preto de 40 persoas achegáronse ao mundo dos contos da man de O Titiribaile (Musicarte) con Erica González e David Castro. O seu espectáculo A sala de Catapunchimpun achegou ao público o maravilloso mundo dos contos dun xeito moi lúdico e entretido. Para repetirrr!!!

!                                                          

Con motivo da conmemoración do Día Internacional do Libro, a BPM de Boqueixón acolleu, o venres 22 de abril, unha actividade de dinamización da lectura Filipa cos Contos, de Bandullo Azul.

Preto de 40 rapaces e rapazas asistiron a esta sesión de contacontos con contos moi divertidos da man de Fran Campos e a súa amiga Filipa que narraron historias musicadas para toda a familia mesturando tradición, música e humor. Un flipe!

Ademáis deste espectáculo, durante a semana do 19 ao 22 de abril os usuarios da biblioteca puideron levar un libro de forma gratuíta dos expositores habilitados, co fin de fomentar a lectura entre a veciñanza. Esta iniciativa tivo unha gran acollida entregándose máis de 250 libros.

A B.P.M do Forte vivíu un auténtico día de festa para celebrar o Dia da Biblioteca (24 outubro). O contador de contos Anxo Moure recibíu ao grupo, de case 30 participantes, na súa particular bicicleta, facendo aínda máis emocionante o momento.

Coa axuda de nenas e nenos, este singular fabricante de corazóns, reciclou as malas noticias de violencia de xénero, de machismo e desigualdades para fabricar uns fermosos corazóns de papel reciclado cos que erradicar nos nenos e nenas de Boqueixón estes grandes males.

O venres 20 de agosto tivo lugar na piscina municipal a actuación de Xoán Curiel e a banda de verán.

A cativada e os adultos puideron gozar dunha animada tarde a cargo dos sons de música infantil e familiar moi roqueiros e terroríficamente divertidos. Completouse o aforo con preto de trinta de asistentes.

Este espectáculo que nace dun disco-libro denominado Estamos no Verán, que tamén se pode atopar na biblioteca municipal.

Paco Nogueiras acompañounos o pasado venres, 23 de xullo, nunha tarde chea de música que fixo brincar á cativada de Boqueixón e mesmo ás súas familias. Unha entretida sesión con mistura de cancións, música e teatro.

Máis de medio cento de participantes puideron desfrutar da música e das imaxes, cantar e mesmo bailar, mantendo as correspondentes normas COVID, co espectáculo “Radio Bulebule”.

Este espectáculo estaba previsto para ser nas instalacións da piscina municipal onde, como cada venres do verán, ten lugar a Bibliopiscina, pero dadas as condicións metereolóxicas, tivo que mudarse ao un espazo anexo (salón de actos do CPI Antonio Orza Couto).

A cativada de Boqueixón pasou en grande, na sala anexa á biblioteca municipal de Boqueixón, coa actividade teatral de Migallas e a súa obra “Elas pintan moito”.

A través das obras de pintoras tan famosas como Xulia Minguillón, Frida Khalo, Sonia Delaunay,…abordaron a temática da igualdade en moitos ámbitos da vida cotiá.