A maxia da música fixo de unha tarde de moito calor, un día cheo de frescura en Miño

Magín Blanco fixo posible que moitos nenos  e moitas nenas  pasaran unha tarde distinta escoitando contos e música. Tamén nos acompañaron moitas mamás e algún que outro papá e avoas.

Moitas Gracias Magín pola túa profesionalidade.

O pasado día 6 de Setembro ás 6 da tarde 22 nen@s viñeron a escoitar os contos de sempre, para xente de agora, unha moi boa adaptación dos contos de toda a vida, xenialmente interpretados por Fátima Fernández

Onte 10 de Xullo 32 rapaces e rapazas viñeron a Biblioteca na compaña de seus pais para escoitar e ver as marionetas e debuxos con que Carmen Domech acompaña a narración dos seguintes contos : Dous de Historias de Ratos, Julieta estate quieta, 7 ratos cegos e Frederik.

Unha entretida maña na Biblioteca de Miño

A compañía TrinkeTrinke viñeron á Biblioteca de Miño con novas historias cargadas de contido. Esta vez, faláronnos dos nosos maiores, a importancia do respecto cara a eles, de non esquecelos, de lembrar sempre a súa sabedoría. Todo isto cargado con tenrura e delicadeza, fixéronnos pasar un intre que non esqueceremos tan fácilmente.
A Biblioteca tivo con gran aforo de persoas nenos e maiores que gozaron coas historias de TrinkeTrinke, ademáis contáronse: “Avós” e ” Á Arbore Xenerosa” dúas historias publicadas por la editorial Kalandraka, dispoñibles na biblioteca.

Cando se xuntan os libros e a maxia pasan cousas moi divertidas e interesantes, eso foi o que viviron onte na Biblioteca de Miño os 44 nenos e nenas que nos acompañaron e tamén  os papás, mamás, avós e avoas.

Visitamos países exóticos, descubrimos planetas de outra Galaxia, vimos libros moi raros e os nosos desexos transformáronse en luces vermellas. Todo se encheu de maxia.

A través do programa de dinamización de lectura: Ler conta moito , a Biblioteca encheuse o día 13 de setembro, de nenos e nenas e como non de adiviñas, travalinguas, contos pequenos, contos de animais, contos de África e como non de contos clásicos narrados con moita alegría e humor por O Parroleiro (Os Contos de Pablísimo). Foi unha experiencia moi gratificante e supuxo novos lectores e novos empréstitos de libros

O 19 de outubro a  Biblioteca encheuse de Maxia con Leo Leiño, foi unha tarde moi sorprendente e divertida tanto para os 36 nen@s como para os pais e nais que os acompañaron.

Unha hora de fantasía que se fixo moi, pero que moi curta.

Charo Pita veu a Biblioteca de Miño , para contar e cantar historias a 23 nen@s de tres anos. Foi media hora moi agradable, eso que facía moito calor.

Nen@s e maiores pasárono moi ben  coas historias deste curioso curral, contadas  pola xenial escritora e mellor contadora de historias Charo Pita

Onte 11 de Maio, 45 nenos de 4 a 9 anos, descubriron a obra de Carlos Casares con Cris de Caldas.

Despois a Galiña azul foi a gran protagonista no obradoiro de marcapáxinas, no que pais e nenos compartiron experiencia . Esta actividade divulgativa foi  a nosa homenaxe o protagonista deste ano das Letras Galegas

33 nenos e moitos papás festexaron o Día do Libro Infantil na Biblioteca de Miño. Os encargados de facer pasar a todos unha boa maña de Sábado foron os xeniais compoñentes de Teatro Calavera. Grandes e pequenos disfrutaron co teatro e co  doce Obradoiro de alimentación