O día 19 de maio realizouse na Biblioteca Pública Municipal de Oroso o obradoiro “IMOS XOGAR CON XOSÉ FILGUEIRA VALVERDE”, con motivo da celebración das Letras Galegas 2015.

A actividade foi realizada pola compañía Eduvía e os nenos e nenas que participaron nela disfrutaron dos divertidos xogos que propuxeron os monitores para facer as actividades (crear un conto, ilustrar a portada dun libro inventado, definir palabras coma “chuchamel”…), formando diversos equipos, cada ún co nome dun autor ou autora das letras galegas (Rosalía de Castro, Castelao…).

A biblioteca municipal de Oroso celebrou o pasado día 18 de maio a actividade “Contos de Lobo”, programada con motivo da celebración do Día das Letras Galegas 2015.

A actividade foi realizada por “Teatro Ghazafelhos” e consistiu en facer teatro a partir dos textos de diversos contos populares que teñen como protagonista ao lobo, como Carapuchiña Vermella.

Os asistentes disfrutaron dunha experiencia que os achegou ao mundo do teatro dunha forma divertida e algúns dos máis xóvenes puideron demostrar aos demáis as súas dotes como futuros actores e actrices.

O pasado día 23 a biblioteca municipal de Oroso celebrou o  día do libro co obradoiro “Fotoconto” no que os asistentes elaboraron un conto do que eles eran os protagonistas e as ilustracións as súas propias fotos.

Divertida actividade levada a cabo por Viravolta Títeres  na biblioteca pública de Oroso, donde os máis pequenos disfrutaron aprendendo a facer marionetas con papeis de diversos cores e que puideron levar á súa casa.

O 14 maio na programación da semana das Letras Galegas, achegóuse á biblioteca municipal de Oroso, Elefante Elegante, para divertir aos máis pequenos co contancontos “O aviador”. Máis de 40 nenos, xunto cos seus pais desfrutaron dunha actividade moi animada e divertida.

O día 23 de abril a biblioteca municipal de Oroso celebrou o día do libro cun contacontos “O soño do rato” realizado por Olga Abad. Despois, os nenos e nenas escolleron na sala infantil os libros con historias de diferentes lugares do mundo nos que se imaxinan que podería viaxar o rato César, protagonista do contacontos.

O día 15 de maio Talía Teatro representou  “Pequena” dentro da programación da BPM de Oroso para a celebración das Letras Galegas 2013. A protagonista fixonos reflexionar sobre o grande que pode ser alguén pequeno e o pequenas que poden ser as cousas grandes. Historia da que gozaron grandes e pequenos do noso concello.

O día 13 de maio dentro da programación da semana das Letras Galegas na sala infantil da biblioteca municipal de Oroso tivo lugar o obradoiro “Títeres nas mans” no que os nenos/as crearon sobre as súas mans os personaxes das historias que ían inventando.

O día 23 de abril con motivo do día internacional do libro na sala infantil da biblioteca municipal de Oroso celebrouse o obradoiro “Instantáneas de plastilina”. Os participantes a través da plastilina déronlle vida aos personaxes das súas historias.