O cociñeiro Hugo, de Garwy Servizos & Eventos, recalou o sábado 28 na Biblioteca Municipal Xerardo Díaz de Porto do Son para entreter ós rapaces coas suas cancións e historias co tema central da igualdade. Os nenos pasaron unha mañá divertida na súa agradable compaña.

Trinquetrinke recalou en Porto do Son este fin de semana, onde o sábado 21 encandilaron ós nenos (e mesmo ós maiores) na Biblioteca Municipal coa actuación “Os Ratos de Lonxedetodo”, representación teatral cómica amenizada con lecturas de libros infantís e actuacións musicais.

O sábado 14, na Biblioteca Municipal “Xerardo Díaz”, os nenos de Porto do Son tiveron a ocasión de pasar unha mañá entretida co obradoiro de manualidades “Conto Máxico” realizado por “A Escola das Utopías”, no que crearon seu propio conto ilustrado por eles mesmos.

O sábado, 7 de maio visitou a Biblioteca Xerardo Díaz de Porto do Son o Mago Paco, co seu espectáculo “Contamaxias”

Actividade divertida e dinámica. O Mago Paco conseguiu arrincar o sorriso e  admiración do público asistente utilizando trucos de maxia. Os nen@s puideron interactuar co mago e mesmo lograron realizar algún truco. Todo esto con varios relatos de literatura infantil como fío conductor.

Esta actuación enmárcase dentro das actividades de dinamización da lectura nas bibliotecas e axencias públicas de titularidade municipal da Consellería de Cultura, Educación e Universidade.

 Os rapaces de Porto do Son desfrutaron dunha mañán cun Obradoiro de Ilustración a cargo de Santy Gutiérrez na Biblioteca Pública Municipal Xerardo Díaz de Porto do Son.

No día de onte  Iseo a Moura representou “Se as árbores falaran” preto da Biblioteca Pública Municipal Xerardo Díaz. Un incendio arrasa con todo o verde no monte! Por sorte a fraga onde vive Flora, unha nena de nove anos e medio, reistiu. Ela vai averiguar por qué a fraga conseguiu sobrevivir ao lume e o resto do monte. Historia que mantivo aos cativos atentos toda a función.

No día de onte os nen@s sonenses e visitantes desfrutaron cunha sesión de contacontos na man dunha soprana de luxo que fixo a mañán dos cativos moi divertida.

O sábado 17 de Outubro ás 11:00h. a BPM Xerardo Díaz Fernández, encheuse de xogos malabares e gargalladas ante esta nova versión dun clásico da literatura infantil.

Os libros da casa tolearon. Cada un tivo unha experiencia e viaxe increíble e cóntannos as súas historias, divertidas, sensibles, emocionantes, fantásticas… Todo iso pudo desfrutarse o 15 de Outubro ás 15h.

Neste obradoiro de ilustración con papel os participantes desfrutaron das súas creacións ao tempo que escoitaban narracións de Carvalho Calero. Debuxaron, recortaron, pegaron e construiron un fermoso teatro cos seus monicreques, baixo a supervisión de Mirari, o 9 de Outubro ás 12:00h.