Este sábado, 22 de abril, na Biblioteca Pública Municipal de Ribeira.

Ler conta moito… E para aproveitar o tempo de lecer lendo estivemos no Recuncho dos libros infantís acompañados de nenas e nenos de todas as idades.

Xa ás 12.00 h comezamos a festa de contar e cantar con Luís Vallecillo, que ben o pasamos…

Vémonos na Biblioteca!

https://www.facebook.com/bibliotecariveira/

Sábados de conto na Biblioteca.
Ler Conta Moito!

Como cada sábado entramos na Biblio para ler contos no Recuncho dos libros infantís. E despois….

María Canosa quitounos o medo coa súa poesía. Fomos quitando medos dunha caixa e deixámolos atrás con cada un dos preciosos poemas de María.

https://www.facebook.com/bibliotecariveira/

Vémonos na Biblio!

Esta sábado, 1 de abril, comezamos na Biblioteca Pública Municipal de Ribeira a programación de contacontos dentro da iniciativa Ler Conta Moito.

Xuntámonos para ler no Recuncho dos libros infantís.https://www.facebook.com/bibliotecariveira/

O día 1 de abril tivemos os contos de Juste Kamishibai. Historias orientais nacidas dunha preciosa caixiña máxica chea de imaxes e palabras.

O sábado, 18 de xuño, Marisa Irimia veu á Biblioteca para contarnos historias e debuxar mandalas.

Antes de comezar estivemos a ler no Recuncho dos libros infantís e despois, coma cada sábado, puxémonos preto de Marisa, sentamos no chan ou nas cadeiras, e comezamos a escoitar e a aprender.

Cada día que pasa estamos máis a gusto na Biblioteca e, agora que están a piques de rematar os contacontos de Ler Conta Moito dos sábados, xa sabemos como hai que facer para vir ler ao noso recuncho infantil, e como podemos levar para a casa os nosos libros favoritos.

Chegou o verán cheo de boas lecturas.

Vémonos na Biblio!

Outro sábado, 4 de xuño, de contos na Biblioteca Municipal de Ribeira

Inacio Vilariño contando as historias do Bou Catrineta.

Un burro presumido facía que o camiño ata Ribeira fose lento, pedímoslle permiso para pasar cantando… E cantando e contando as historias da Tía Lola pasou a mañá.

Un can, un ferreiro, un pau… Pero que nos conta Inacio? Historias dun demo que foxe co noso cantar.

Polo Correo do Vento chegaron a Ribeira o sábado 28 de maio ás 12.00 h. Rematan os Sábados de Maio na Biblioteca, e velaí veñen os Sábados de Xuño na Biblioteca.

Polo Correo do Vento contaron a preciosa viaxe de Roi polo Miño. Esta saramaganta viaxeira está namorada de Saleta e, igual que fixera Manuel María, faille poemas de amor a Saleta e a Galiza.

Viaxamos polo Miño na compaña da poesía de Manuel María, e para rematar fixemos unha caricatura ‪#‎OpoetadoMiño‬

Moitas grazas a Polo Correo do Vento!

O sábado 21 de maio, ás 12.00 h, chegou a Ribeira o Cabaret Infantil Prodixio.

Ao rematar o contacontos decatámonos de que foran un prodixio de contos cun rinoceronte que se chamaba Ghuapo, elefantes rosa, pantasmas cariñosas, crocodilos que venceron a timidez… Cancións, bailes e moita, moita, moita diversión.

O Cabaret Infantil das Irmás Prodixio é unha marabilla!

Gonçalo Guerreiro fixo as delicias do públicos asistente interpretando o papel do Lobo Bobo (ou novo). As súas historias de sempre, escenificadas e contadas desde a perspectiva actual, mativeron a nosa atención ao longo dunha hora. A preciosa escenografía, con portas e ventás que se abrían e pechaban e a música completada coa voz do actor, fixeron unha magnífica mañá de conto teatralizado.

A profesionalidade de Gonçalo é a proba do éxito que sempre consegue. A en hora boa a Elefante Elegante polo seu bo facer. Como complemento da actividade tivemos á man a obra literaria infantil de Manuel María, unha pequena exposición da súa biografía en paneis, e mais seguiuse a nosa eterna campaña de dinamización de uso da lingua galega co reparto de chapas que levan o lema: “Con galerna ou encalmada fala galego”.

Os sábados en Ribeira son para contar contos.

Pablísimo estivo connosco o sábado, 30 de abril, na Feira da Educación para contarnos unha morea de historias que viñan nunha caixiña.

As nenas e os nenos que viñeron para escoitar a Pablo tamén trouxeron os seus irmanciños máis pequeniños, que cando cheguen á súa idade tamén escoitarán e lerán fermosas narracións que farán voar a súa imaxinación.