O sábado día 26 de abril, puidemos disfrutar na sala infantil da biblioteca dunha sesión de contacontos titulada Titiricleta, onde os nenos puideron disfrutar dunha entretida sesión de contacontos na que un triciclo alemán cargado cun teatro de títeres viaxa polas biblioecas pilotado por un titiricleteiro e un feixe de monicreques feitos por cooperativas do comercio xusto de Bangladesh, India, Guatemala…, para levar de viaxe as nenas e nenos a través dos contos ao mundo da solidariedade coñecendo outras culturas nunha aposta pola tolerancia, a paz e a xustiza social a respetar a natureza, dicir non ás guerra.

A sesión foi moi participativa co que conseguiu que os nenos non desconectasen da mesma en ningún momento.

O sábado 12 de abril ás 12:00 tivemos unha sesión de maxia da que puidemos disfrutar tódolos asistentes.

Nenos e maiores pasaron unha hora moi amena. A señora empatiza moito cos asistentes, involucra aos nenos na actividade, e a pesar que tiñamos asistentes de tódalas idades, a actividade foi un éxito rotundo. Recoméndamola.

O sábado 11 de maio ás 12:00 A compañía Migallas Teatro encargouse dunha nova sesión de contos, acompañada de xogos e cancións para nenos pequenos, titulada Entre arrolos e contiños, todos disfrutaron moito desta actividade que levaron a cabo de forma moi amena.

O sábado 4 de maio ás 12:00 foi Fátima Fernández coa actividade As dúbidas dos animais a encargada dunha nova sesión de contacontos, que foi todo un éxito.