Hoxe conmemoramos o Ano Castelao 2025 cunha xornada moi especial: O alumnado desde 1º a 4º de Primaria gozou co espectáculo “Castelao para crianzas”, de Lela Edicións, unha actividade enmarcada no programa Ler Conta Moito da Xunta de Galicia, en colaboración co  Concello. Unha proposta divertida e didáctica, que combina narración oral, música e ilustración, coa finalidade de chegar ás novas xeracións a figura e obra de Castelao. Ao final, nenas e nenos debuxaron o seu pingüín, e tooodos saíron perfectos.

A historia de Noa é unha contada interactiva sobre a igualdade de xénero e a reafirmación persoal, que invita á rapazada a mirarse ao espello e entender mellor os seus sentimentos.

A actividade estivo dirixida a 74 nenas e nenos de  de Primaria de 2 colexios , promovendo valores de empatía e igualdade dende unha idade temperá.

Os amigos de Noa non comparten os seus xogos, e iso faina sentir diferente. Pero a súa avoa ten un segredo especial: tod@s levamos un monstro dentro que, se o afrontamos, pode converterse no noso mellor amigo.

Unha sesión moi dinámica e entretida, con xogos de linguaxe, mímica, música que nos fixo gozar dunha historia sobre a  igualdade de xénero, a través da mirada da nena protagonista …

Coma sempre, XENIAL! e moi recomendable.

Hoxe os coles de Ribadeo participaron na actividade de animación a lectura “Na túa man”, de Raquel Queizás. Como éramos moit@s, fomos ao Auditorio Municipal, e descubrimos como un libro nos pode iluminar con novas ideas, e que tod@s podemos aportar o noso gran para unha convivencia respetuosa e igualitaria.
Para rematar, Raquel suxeriu unhas lecturas para nenas e nenos que axiña viñeron a solicitalas na biblioteca.

Onte visitáronnos Elisa e Ian cunha actuación que une maxia e sombras chinesas, usando contos e fábulas como fío condutor e facendo que nenos e nenas  gocen dun fermoso e entretido espectáculo, onde se fomenta o hábito de lectura a vez que se deixa voar a imaxinación.

Onte unha magnífica interpretación de Montse Piñón e Pepablo Patinho Penya onde as nenas e nenos participaron activamente na representación, descubrindo a importancia da tolerancia, de compartir, de apreciar o mundo que nos rodea, de vivir en paz e non usar a violencia das guerras.

O martes 27 de setembro recibimos aos ratos de Lonxedetodo, vellos amigos das nenas e nenos de Ribadeo. Visitáronnos o  rato Fuco e o rato Pillo de Trinke Trinke Teatro. Contaron moitos contos, cantaron moitas cancións e o rato Pillo fixo unhas cantas travesuras. Os ratos son grandes amigos das Bibliotecas e moi bos lectores por iso saben tantos contos e anímannos sempre a visitar as bibliotecas.