Con Anxo Moure , “O carballo con botas“.Chegou a Sober cunha bicicleta con dous teatriños de títeres, tecidos polas cooperativas de mulleres do Comercio Xusto.

Tarde de contos solidarios para rematar a programación de animación á lectura : Merendas con contos ” da Biblioteca do Concello de Sober.

Xulio Carballo Dopico presentou a súa proposta : LER A NOSA BD! :  Unha viaxe polas obras e autores da Banda Deseñada Galega. Foi na biblioteca de Sober o mércores 7 de xuño ás 19:00.

O público estaba formado polos integrantes do noso club de lectura, “Pintor de Castinande”, que asistiu moi interesado as explicacións que Xulio nos deu, facendo un percorrido histórico polo cómic galego. Apoiado por imaxes, e coa súa boa disertación, as persoas asistentes quedaron moi satisfeitas deste encontro. Nel aprendemos moitas cousas dos nosos ilustradores, grandes debuxantes recoñecidos a nivel nacional e tamén internacional.

Na tarde do 5 de maio na biblioteca de Sober coñecemos a biografía e tamén os contos infantís de Carlos Casares, autor homenaxeado este ano pola Letras Galegas. A contadora, Cris de Caldas , fixo un percorrido pola vida e a obra de Casares. Contounos os seus contos e para rematar tivemos un obradoiro de confección dun marcapáxinas, como non, coa galiña azul.

Cós contos de Carlos Casares, e gracias a Cris de Caldas , excelente narradora, comezamos o mes de maio, o mes das Letras , na biblioteca de Sober.

O venres 17 de marzo na biblioteca de Sober celebramos por adiantado o Día da Poesía. Estivo con nós Manoele de Felisa , cantautor galego con diferentes traballos publicados, que  ofreceu o seu traballo achegando  aos cativos e ás cativas o mundo da poesía a través das súas interpretacións musicais, e nos fixo pasar unha tarde fermosa tanto para o público infantil coma para os  maiores. Interpretou  poemas de Xosé Neira Vilas e de Rosalía Morlán, do  seu libro-disco “Canta a lúa coas estrelas“.

Estupendo contacontos teatral para rematar  as actividades do mes de outubro, o mes da biblioteca. Con Lili Gruyére os nenos e as nenas da biblioteca de Sober coñeceron historias, cantaron e bailaron, en fin unha tarde magnífica.

As piscinas municipais acolleron  na tarde do 28 de xullo o Gran Xogo das Letras Galegas, unha actividade para nenos e nenas a partir de seis anos organizada polo programa ‘Ler conta moito’ e a Rede de Bibliotecas de Galicia e que foi impartido por Eduvía ( Vías para a Educación )

A través deste divertido xogo por equipos, os participantes coñeceron algo máis sobre a orixe e significado do Día das Letras Galegas, así como dos autores homenaxeados ata o momento, ao tempo que descubrirán interesantes datos sobre a vida e obra do autor homenaxeado este ano, Manuel María.

Na  tarde do mércores 8 de xuño estivo na biblioteca de Sober  Fátima Fernández . Os integrantes do club de lectura Pintor de Castinande tiveron a sorte de escoitar a esta gran narradora que nos contou  contos de antes, os dos avós , relatos de sempre  que se pasan de boca en boca e nos transmiten as nosas historias.

Contos e debuxos sobre  Manuel María , o poeta homenaxeado este ano polas Letras Galegas .

Unha historia que nos leva a través do curso do río Miño. Contos baseados en poemas coa  natureza sempre presente e que engaiolaron a pequenos e maiores, grazas ao bó facer de Enrique Mauricio e Carlos Taboada creadores galegos, grandes coñecedores da obra do autor da Terra Chá.

Na última das actividades programadas para este ano dentro do programa Ler conta moito ,  a biblioteca de Sober recibiu a visita de Polo correo do vento có seu traballo : O misterio do pirata Benito Soto. Contacontos muy participativo ;gran profesionalidade de dúas persoas que se “quedaron” cós pequenos , máis tamén có público adulto que encheu a nosa biblioteca. Mestura perfecta de contos e debuxos que nos fixeron pasar unha gran tarde.

Proposta divertida, participativa , amena e educativa, que se realizou nas instalacións das piscinas municipais de Sober. Tivemos con nós a Manuel Solla contando contos que por arte de maxia enchíanse de debuxos . Espectáculo de animación á lectura de gran calidade a nivel profesional e que provocou a participatición activa dos pequenos e tamén das nais e pais que os acompañaban.