O público vaise acomadando no auditorio.

Lucía Aldao e María Lado recitando poemas.

 A actividade desenrrolouse coma estaba previsto ás 19:00h. do mércores 10 de xuño. Neste espectáculo nos achegamos á poesía de Aldaolado, un gran proxecto desenvolto por estas mozas, grandes  poetas :  Lucía Aldao e María Lado. Unha posta en escea lúdica e divertida, escoitamos os seus versos e tamén doutros autores das nosas letras. Houbo música de David Bowie e outros clásicos. Estupenda a versión de Rocío Jurado ¡ en galego ! e por último un  poema de desamor a partir dunha receita de cociña : “Obleas de fígado de porco”.

O mércores 18 de xuño o Club de lectura Pintor de Castinande da BPM de Sober asistiu a unha sesión da contadora Charo Pita. 

Os integrantes do club de lectura  escoitamos historias de amor, erotismo e morte basadas en contos de aquí e  de outros lugares que nos  fixeron reflexionar, compartir  e tamén ,como non, pasar unha boa tarde.

O martes 16 de xullo , nas instalacións da piscina municipal de Sober tivemos un obradoiro de cociña infantil e familiar impartida polos cociñeiros e mestres “chef” da Escola de Hostelería de Rosende, David Cidre e Miguel A. Caruncho. Despois duns consellos previos ( lavar as mans) os nenos e nenas puxéronse coas mans na masa para elaborar galletas e facer un boliño de pan cocido no forno eléctrico desta cociña improvisada de verán.

O  14 de maio estivo na Biblioteca de Sober  NATI da Compañía Sarabela Teatro que nos acompañou, durante case 90 minutos, cós seus contos . Participaron os alumnos do CEIP  Virxe do Carme de Sober, os nenos do PAI do Concello e tamén asistiron como invitados un grupo de adultos do Centro de Día Agora de Monforte de Lemos. A partir das 12h., Nati fíxonos vivir outros mundos, coñecer outras culturas gracias a súa gran interpretación e exprexividade. O público asistente participou activamente , xogando coas palabras que a profesional do teatro nos propuxo. A actividade realizouse no salón de actos da Casa da Cultura de Sober , pois a Biblioteca Municipal quedábase pequena para acoller a todos os invitados que acudiron este día convocados pola Biblioteca.