O día 14 de maio na biblioteca de Vilalba tivemos unha sesión de contacontos titulado “Contiario”, a cargo de Os Contos de Pablisimo. Un espectáculo no que collen todo tipo de contos: contos que empezan ao revés, fábulas, cantares de cego, adiviñas, contos con moitos finais.
Actividade na que tanto nenos coma pais participaron activamente e disfrutaron dunha hora de lecer.
A Biblioteca Municipal de Vilalba celebrou o día do libro o luns día 27 coa actuación de Trinketrinke teatro co espectáculo “Non máis guerras”.
Os obxectivos deste divertido, musical e participativo contacontos teatral, foi fomentar o uso da biblioteca e a lectura, como educar para a paz por medio da resolución pacífica de conflitos.
Con motivo da celebración do Día Internacional do Libro Infantil e Xuvenil, na Biblioteca Municipal de Vilalba, tivemos a visita de Migallas Teatro con “Os contos do chupete”. Actividade dirixida os nenos de 0 a 3 anos.
Os cativos puideron disfrutar de contos e cancións, no seu primeiro contacto coa biblioteca.
Actividade que contou cunha participación de 32 nenos e 22 adultos que os acompañaron, disfrutando dunha hora de lecer.
Onte chegou a Vilalba Pavís Pavós, cargados con “Contos que deixan pegada”.
Unha sesión de contos orientada a transmitir valores, contos que tratan as diferencias na sociedade, a homofobia, o racismo, o machismo, as desigualdades.
Contos que, sen querelo, van deixar pegada nos nenos e adultos que os acompañan.
O día 16 de maio visitounos na Biblioteca Raquel Queizás co espectáculo “A maleta da Avoa”, unha maleta chea de pequenos tesouros, bonecas de millo, chapeus e títeres cós que foi contando aqueles contos que de pequena escoitaba a súa avoa.
Un espectáculo moi divertido na que tanto nenos como pais participaron e disfrutaron durante toda a actividade.
Para celebrar o día Internacional do Libro Trinketrinke teatro co obxetivo de promover hábitos saudables na alimentación dende os contos e fomentar o uso da Biblioteca e a lectura, deleitounos co seu espectáculo “Aventuras na cociña” contacontos teatral no que os seus protagonistas eran os Ratos da Biblioteca que lograron captar a atención, tanto dos nenos como dos seus acompañantes.
No día Internacional do Libro Infantil e Xuvenil, a narradora de contos
Charo Pita deleitou aos mais pequenos con unha sesión de contacontos e
historias aderezados con música, trabalinguas e cancións.
O día 30 de maio na Bibioteca Municipal de Vilalba ás 11.30 h. a narradora Charo Pita desenvolveu unha sesión de contos con breves historias de animais e cancións. Os elementos sonoros tiveron unha relevancia importante no desenrolo da sesión.
O remate como actividade complementaria, fixose unha exposición dos libros empregados na sesión e entregouselles aos adultos que acompañaron aos nenos unha bibliografía dos libros recomendados para os nenos de 0 a 3 anos.
O día 21 de maio con motivo da celebración das Letras Galegas, na Biblioteca Municipal de Vilalba dentro do programa “Ler Conta Moito” tivo lugar un espectáculo de máxia “GRAVIDADE CERO” a cargo de Oficios Antiguos.
Actividade dirixida principalmente para os residentes dunha “Residencia de Maiores” . Espectáculo cheo de humor, xogos e ilusións ópticas, onde o público desfrutou a gargalladas de novas sensacións e sorpresas.
Ao remate da actividade, realizouse outra complementaria na que aos asistentes fixoselles entrega dun tríptico onde se lles da a coñecer as funcións e servizos que ofrece a biblioteca, para logo realizar un xogo de búsqueda dun libro de temática elixida por eles, e ver quen o atopaba antes.
O día do Libro na Biblioteca Municipal de Vilalba celebrouse dentro do Programa Ler conta Moito, subvencionado pola Consellería de Cultura unha sesión de contacontos a cargo de Trinketrinke dirixido a nenos en edades comprendidas de 3 a 8 anos.
Lili, a ratiña de Lonxedetodo encheu a nosa Biblioteca de ledicia, música e contos. Tendo moi boa acollida entre os nenos e os pais que os acompañaron.
Como actividade complementaria fixoselles o carné de socio aos nenos que non o tiñan, para logo poderen levar en préstamo unha selección de libros expostos, axeitados a súa idade.
Séguenos