O pasado 24 de Outubro, de 18:00h. a 19:00h., para celebrar o DÍA DA BIBLIOTECA e dentro do conxunto de actividades de fomento á lectura e animación cultural da Biblioteca de Verín, no programa LER CONTA MOITO da Xunta de Galicia; tivemos a actividade «A cabaza encantada» con Teatro Calavera.

Prazas limitadas para socios/as de 3 a 9 anos, Prazo de inscrición a partir das 10h. do luns 20 de Outubro.

IMPORTANTE: Informar e asinar AUTORIZACIÓN SOBRE ALERXIAS DE PRODUTOS ALIMENTICIOS.

Senopse da actividade: Conto teatralizado e obradoiro de cociña. Os nosos protagonistas, O Cociñeiro Antón e a pasteleira Tomasa viven unha nova aventura para rir de medo. Un día Antón plantou unha semente, nunha maceta corrente, botoulle auga e terra e mantívose á espera. Agardou e agardou e co tempo medrou…unha cabaza! Era unha cabaza especial, á que lle gustaba asustar.

Máis info Teatro Calavera: https://www.facebook.com/Teatro-Calavera-1044018725612341

Ver reel Instagram: https://www.instagram.com/reel/DQMuBXTCFFb/?utm_source=ig_web_copy_link&igsh=MzRlODBiNWFlZA==

Ver máis imaxes: https://www.instagram.com/p/DQM1GPUCDhF/?utm_source=ig_web_copy_link&igsh=MzRlODBiNWFlZA==

 

O pasado 3 de outubro ás 18:00h na Biblioteca de Verín, dentro do conxunto de actividades de fomento á lectura da Biblioteca de Verín, no programa LER CONTA MOITO da Xunta de Galicia; tivemos a actividade de narración oral «A maleta da mestra» realizada pola actriz, monicrequeira, filóloga, e sobre todo, contadora de historias RAQUEL QUEIZÁS.

 

Senopse da actividade: Á mestra substituta chamábamoslle Pisapouquiño, era divertida e agarimosa, non como Dona Clarisa.
Chsss! Que agocha a maleta da nova mestra? Que misterio! Abrímola amodiño….
Moitas follas de papel escritas, voan e quedan ciscadas polo chan. A mestra non se enfada, sorrí e di: Estamos na Horta das nosas letras. Vexo, vexo, un A… Adiviñas, cantigas, contos e lendas!

O pasado venres 16 de maio ás 18:00h, para celebrar as Letras Galegas, tivemos un divertido espectáculo de narración e monicreque a cargo de Galitoon Teatro, dirixido aos/as socios/as de 3 a 9 anos previa inscrición a partir das 10h. do luns 12 de maio.

Sinopse: Un espectáculo para homenaxear a todos os avós e avoas que nos contaban os contos. Deste xeito o avó D. Carmelo comezará a contar os contos sempre co seu inseparable canciño Rús.

A presente actividade está dentro do programa LER CONTA MOITO da Consellería de cultura, lingua e xuventude da Xunta de Galicia.

O pasado 25 de Abril ás 18h, tivemos a actividade «Chocolate co cociñeiro Antón e a pastelera Tomasa». Teatro e Manualidade Infantil para tódolos/as socios/as da Biblioteca (de 3 a 9 anos), previa inscrición a partir das 10h. do luns 21 de abril.

Sinopse: O cociñeiro Antón e a pasteleira Tomasa amósannos o divertido que é cociñar entre amigos, superarse xuntos e atreverse a afrontar novos retos.A pasteleira Tomasa contarnos como gañaron o Premio “Máster Comellón” grazas á súa orixinal receita “Brocheta de froitas da casa recuberta de chocolate fondue”.
Despois do conto realizamos un obradoiro de cociña de chocolate co público asistente.

*Nota importante: Tódolos pais/nais dos/as socios/as participantes deben indicar por escrito (documento na propia biblioteca) sobre posibles intolerancias alimentarias dos/as seus fillos/as.

Reel: https://youtube.com/shorts/IVeR3BWqq6E?si=HRrUWmD_-0OQuqU7

Imaxes Redes sociais:

– Facebook: https://www.facebook.com/photo?fbid=994624912875139&set=pcb.994625249541772

– Instagram: https://www.instagram.com/p/DI4PG83IEa-/?utm_source=ig_web_copy_link&igsh=MzRlODBiNWFlZA==

– X (Twitter): https://x.com/bibliotecaverin/status/1915819482863304795

O pasado venres 26 de Agosto dentro do conxunto de actividades «Agosto: Venres de Conto» tivemos a actuación de Música Miúda en concerto na Rúa Irmáns La Salle ás 20:00h. A presente actividade remata o ciclo de actividades de fomento á lectura e dinamización cultural no mes de agosto.

Actividade na que colabora a Rede de Bibliotecas de Galicia no Programa Ler Conta Moito.

Vídeo da actividade: https://www.instagram.com/reel/ChvJltOueQ4/?utm_source=ig_web_copy_link

Música Miúda en concerto: Sinopse: Coñeces as cancións de Bemol Pequeno? Vén bailar e cantar coa meiga Xela, o dinosaurio Pepón, e moitxs máis personaxes. Un espectáculo de música en eléctrico para toda a familia!
Contido multimedia

O pasado venres 19 de Agosto dentro do conxunto de actividades «Agosto: Venres de Conto» tivemos a actuación de Paco Nogueiras e a presentación do seu libro disco «Brinca Vai! De aquí a acolá», na Rúa Irmáns La Salle ás 20:00h.

Actividade na que colabora a Rede de Bibliotecas de Galicia no Programa Ler Conta Moito.

Ver vídeo: https://fb.watch/f2_m6GJdqN/

Brinca Vai! De aquí a acolá é un espectáculo baseado no libro-cd-dvd “Brinca Vai!”, editado por Kalandraka Editora, no que se combinan cancións, animacións e interpretacións cos ritmos e rexistros máis divertidos. As alegrías, as amizades, os libros, a poesía, a ecoloxía, as festas do ano e o respecto á nosa lingua serán parte da equipaxe nun camiño onde a música soa con forma de sorriso.

O pasado venres 12 de Agosto dentro do conxunto de actividades «Agosto: Venres de Conto» tivemos a actuación de Raquel Queizás «O Eco das Pedras», na Rúa Irmáns La Salle ás 20:00h.

Actividade na que colabora a Rede de Bibliotecas de Galicia no Programa Ler Conta Moito.

Sinopse O eco das pedras. As lendas que nos fan pobo: En Galicia as pedras están vivas. Nelas agóchanse tesouros, nelas viven as mouras encantadas, as serpes grandes, os mouros, os trasnos, os xigantes. Dentro das covas dormen as nubes do Nubeiro antes de formar fortes treboadas. Sobre as pedras descubrimos misteriosos petróglifos, gravados feitos sobre a pedra ao aire libre, que semellan mensaxes secretas que temos aínda que descrifrar.

O pasado venres 5 de Agosto, dentro do ciclo: “Os venres son de Conto na Biblioteca de Verín” tivemos a actuación de Luis Vallecillo na rúa Irmáns La Salle, ás 20h máis de medio centenar de rapaces e rapazas xunto dos seus pais e nais.

Toda unha festa!!!!

O pasado venres 27 pechamos o ciclo “Venres de Conto” cunha gran festa Pirata da man da compañía de teatro infantil Galerna Crúa.

Multitude de participantes en tódalas actividades que realizamos.