Un percorrido magníficamente plasmado por Xosé Carlos Caneiro, na persoa de Carlos Casares e a súa obra, con pinceladas dos vínculos e vivencias que tiveron.

Conferencia realizada o pasado 16 de maio ás 19:30h. na Biblioteca do Concello de Verín

Podes ver a conferencia no noso canal de YouTube:

Un ano máis Raquel Queizás, a nosa contadora de contos máis famosa, voltou ás piscinas de Verín, dentro do programa Ler Conta Moito da Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coa Biblioteca do Concello de Verín.

A actividade levouse a cabo nas Piscinas Municipais do Concello de Verín, (Bibliopiscina), ás 18:00 horas, do pasado domingo 14, para nenos/as de 3 a 12 anos.

Mariña. Contos nados no mar

Mariña foi unha serea galega que viviu entre nós hai moitos anos. Ao seu fillo contáballe lendas e mitos dos seres mariños que poboaban os fondos do mar.  Agora comparte con nós todas as súas historias con nós e traenos unha mensaxe moi urxente de parte do océano, que o coidemos que non esquezamos que nas súas augas naceu a vida.

Viravolta Títeres, da man de Anxo García Fernández, trouxonos o espectáculo, o 7 de Agosto, dentro do programa Ler Conta Moito da Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coa Biblioteca do Concello de Verín.

A actividade levouse a cabo nas Piscinas Municipais do Concello de Verín, (Bibliopiscina), ás 18:00 horas, para nenos/as de 3 a 12 anos.

“Cocer e cantar”:

Dous músicos metidos a cociñeiros … deciden facer unha sopa de cocido solidaria para repartir entre o público. Un pequeno erro de interpretación na receita provoca que o resultado sexa unha riquísima sopa de música, cantigas e contos.

Organiza: Biblioteca do Concello de Verín.

Máis info: www.bibliotecadeverin.es

O venres 20 de maio, dentro das actividades adicadas as letras galegas da Biblioteca de Verín, tivemos a Sarabela Teatro: “Nola e María na Terra Cha”.

Máis de 40 nenos e nenas desfrutaron deste magnífico viaxe pola Terra Cha, terra de Manuel María.

Máis imaxes da actividade na nosa web: www.bibliotecadeverin.es ou nas nosas redes sociais.

Nesta singular actividade, os nenos/as percorrerán un itinerario destinado a descubrir recunchos da nosa vila (Praza Maior, Praza do Cigarrón, a rúa do Pozo, e a Praza da Mercé) e gozar con fermosos versos de poetas galegas. A maiores, os/as participantes tamén gozarán dun xogo no que un gran dado decidirá o que imos escoitar! Rosalía? Filomena? Avelina? Berta? Antía? …

“Entre rúas e versos”, está destinadas a un máximo de 50 socios/as, de entre 3 a 9 anos, e trátase dunha actividade moi peculiar na que os nenos/as seguirán un itinerario poético cultural no que se le camiñando.

Os/as pais/nais interesados nestas actividade teñen a súa disposición máis información na web da biblioteca: www.bibliotecadeverin.es e no facebook da mesma.

Máis imaxes na nosa web, Facebook ou Flik’r

O domingo día 9, ás 18:00 horas, a contadora de contos, Raquel Queizás, veu co seu espectáculo “A maleta da avoa” ás Piscinas Municipais da Granxa de Verín.

Esta actividade enmárcase dentro do programa de Fomento da Lectura do Concello de Verín e o programa Ler Conta Moito da Secretaría Xeral de Cultura da Consellería de Cultura, educación e Ordenación Universitaria.

Máis fotos na nosa conta de Flikr ou no noso Facebook.

https://www.flickr.com/photos/130891676@N04/

https://www.facebook.com/pages/Biblioteca-P%C3%BAblica-Municipal-de-Ver%C3%ADn/104133986331021

Un feixe de cancións na BiblioPiscina do Concello de Verín, no día de onte cantamos e bailamos con Paco Nogueiras.

Actividade nas Piscinas Municipais (Bibliopiscina), ás 18:00 horas, para nenos/as de 3 a 12 anos.

ver máis fotos FLICR: https://www.flickr.com/photos/130891676@N04/

A Biblioteca de Verín clausura o curso cunha sesión de contacontos e manualidades doces

O xoves 18 de xuño, de 18 a 19.30 horas, a Biblioteca Pública Municipal de Verín promoveu unha sesión de contacontos e manualidades “moi doces”, no marco da programación de actividades destinadas ao fomento da lectura e dinamización da instalación municipal.

Esta iniciativa puxo o broche final ao ciclo de actividades realizado durante o curso 2014-2015. Un total de 40 iniciativas culturais e lúdicas, coma contacontos e manualidades, cursos de informática, relatorios, Club de Lectura, exposicións, presentacións de libros, visitas escolares, concursos, visionado de películas e charlas ou obradoiros.

A actividade que tivo lugar o 18 de xuño que correu ao  cargo da compañía de Teatro Calavera, que representarán “O cociñeiro Antón e a pasteleira Tomasa”. Trátase da escenificación dunha historia de amor entre o cociñeiro e a pasteleira –Antón e Tomasa son algo máis que amigos, por iso Tomasa convidouno á súa casa; ás oito, a comer biscoito. Non foi de comer biscoito, senón por culpa do viño e do touciño polo que o cociñeiro Antón caeu de fociños-. Unha actuación moi divertida de 35 minutos seguida dun obradoiro de pasta de azucre, “fondant”, cunha duración de uns 40 minutos.

Esta iniciativa atópase enmarcada en Ler Conta Moito, programa de dinamización da lectura nas bibliotecas públicas promovido pola Secretaría Xeral de Cultura, da Consellería de Cultura, Educación e Ordenación Universitaria. A mesma está destinada a un máximo de 40 nenos/as socios/as da instalación, con idades comprendidas entre os 3 e 9 anos, e para participar na mesma é necesario inscribirse na propia biblioteca ou no teléfono 988-413624. A actividade será coordinada por nenos/as voluntarios/as, de entre 11 e 16 anos, e persoal da Biblioteca Pública Municipal de Verín.

Imaxes e máis info no noso Facebook

Imaxes (máis calidade) en Flickr

A Biblioteca Pública Municipal de Verín acolleu o venres 10 de outubro, de 18 a 18.45 horas, a iniciativa ‘Conto Express’ de Sarabela Teatro, no marco da programación de actividades destinadas ao fomento da lectura e dinamización da instalación municipal.

A actividade, destinada a un máximo de 50 nenos/as socios/as da instalación, con idades comprendidas entre os 3 e 9 anos, que tiveron que inscribirse previamente na propia Biblioteca verinense ou no teléfono 988-414776. Ao longo de 45 minutos, os/as asistentes viron como Ranpunzel e Grettel Chanetti chegaban en bicicleta con contos express e precisarán da colaboración do público para axudar a Camilo Comilón a cociñar os alimentos que lle dan os seus amigos e prepararán saborosas receitas. E xa de sobremesa, suxestivos petiscos doces,tirados do libro Contos silenciosos.

A iniciativa ‘Conto Espress’ de Sarabela Teatro está incluída no programa Ler conta moito, e trátase da cuarta actividade deste programa que se realiza ao longo do ano 2014 en Verín, xa que durante o mes de agosto as instalacións municipais foron testemuñas doutras tres actividades lúdico-culturais para menores a cargo de Raquel Galavís, Xanela Ocio e Raquel Queizás.

Ler conta moito é un programa de dinamización da lectura nas bibliotecas públicas promovido pola Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coas entidades locais. Con esta programación, a Xunta de Galicia pretende contribuír á promoción da lectura como un vehículo de enriquecemento e de aproveitamento persoal, ofrecendo espazos de encontro para descubrir e compartir. Ler conta moito ofrece un conxunto de actividades nas bibliotecas públicas galegas para achegar a cidadanía á lectura e á información dunha maneira lúdica e atraente. O desenvolvemento destas actividades de dinamización no ámbito da biblioteca reforzan o seu carácter de espazo aberto, ao tempo que alentan a aprendizaxe e a descuberta a través dos recursos que as bibliotecas proporcionan.

Todos/as os/as usuarios/as poden informarse tanto na web da Biblioteca http://verin.isum.centromultimedia.net/ilive/, como no perfil da mesma en Facebook https://www.facebook.com/pages/Biblioteca-P%C3%BAblica-Municipal-de-Ver%C3%ADn/104133986331021?=wall de todas as actividades que se programan nesta instalación.

Documento sin título

Contacontos ‘A Orixe’de Raquel Queizás 15/08/2014
	Contacontos ‘A Orixe’ (El Origen) de Raquel Queizás. Será nas piscinas descubertas de Verín (no caso de condición climáticas desfavorables trasladarase á Biblioteca de Verín). Durante o mesmo unha exploradora compartirá as historias que escoitou nas súas expedicións polo mundo a través da manipulación de obxectos e monicreques. Esta iniciativa, organizada pola Biblioteca Pública Municipal de Verín e a Xunta de Galicia, enmárcase no programa ‘Ler conta moito’, que tamén trouxo a Verín a Raquel Galavís e Xanela Ocio.