O mércores 11 de outubro estivo con nós Carmen Domech co seu espectáculo “A carteira de Augasclaras” no que a carteira reparteu cartas na biblioteca. Unha de Clementina, a tartaruga que viaxa ceibe polo mundo. Outra da elefantiña Rosa Caramelo, que logrou que na súa manada todos vivan xuntos e iguais. Tamén había unha rapaza que para gustarlle ao seu gran amor vaise desfacendo de aspectos persoais pero finalmente pensa “eu vou comigo” e decide ser ela mesma a risco de non gustarlle ao seu amor.

Pasárono xenial!!!

O  venres 6 de outubro, tivemos a  visita de Manuel Solla do grupo Os Carballiños, coa actuación  ” Voando libres”.  Desfrutamos dunha tarde moi agradable con sesión de contacontos combinada con maxia nos que os nenos e nenas  aprenderon a través dos contos valores de igualdade e superación persoal para poder conseguir os seus soños.

Todos participaron na sesión de maxia e tamén elaboraron un delicioso pastel que puideron degustar.

O venres, 29 de setembro tivemos a visita de TrinkeTrinke Teatro, co espectáculo O ratiño presumido.

Co rato Fuco e a ratiña Lily Gruyere chegados de Lonxedetodo, dándolle a volta ao conto clásico para amosar a un ratiño que racha cos estereotipos de xénero.

O espectáculo tivo moi boa acollida por parte do público, tantos dos nenos/as coma dos maiores.

Pasárono xenial!!

O pasado mércores, estivo con nós O Mago Paco cunha morea de contos e historias a través de xogos e da maxia que levaron aos nenos a descubrir a “maxia divertida” que  agochan os contos. Unha actividade que os nenos pasárono xenial.

O 8 de outubro,  tivemos a representación “Dulcinea a nena cabaleira ” a cargo  de Anxo Fariña escritor e ilustrador.

O pasado 28 de setembro estivo con nós Paula Carballeira,  coa súa obra ” Elas tres (a nai,  a nena, a bruxa) divertida actuación.

A Pirata Carla e Daniela acompañáronnos, na tarde de onte, para facer desfrutar aos nenos e nenas da axencia de lectura de Castrelo con cinco probas piratas e reflexionando sobre igualdade.

Onte, na axencia de lectura da parroquia de Castrelo en Cambados, os nenos e nenas desfrutaron dunha tarde moi entretida grazas ao talento de Pablo Sánchez. Levou a cabo un contacontos multidisciplinar, onde fixo unha reflexión divertida sobre a igualdade, que captou a atención de cativos/as, nais e pais.

Tarde para aprender e desfrutar, das distintas historias de distintas mulleres (músicas, deportistas, científicas…) que nos presentan dende Lisístrata na axencia de lectura municipal de Castrelo.

O Xoves, 4 de outubro,  na ALM de Castrelo-Cambados tivemos a oportunidade de ver o espectáculo “Lobo Bobo” da compañía Elefante Elegante, unha divertida reinterpretación dos contos clásicos, chea de sorpresas, música e cor. Tódolos cativos e cativas pasaron un momento ben divertido en compañía de Gonzalo e as súas historias. Os asistentes gozamos moito desta actividade.