Neste obradoiro o mestre gaiteiro Xavier Blanco (Fundación Legar) musicou (composición propia) pezas de obras de diferentes épocas, desde os xuglares a cantares de cego do medievo, Rosalía de Castro, Eduardo Pondal, Anxel Fole, Álvaro Cunqueiro, Celso Emilio Ferreiro, Ernesto Guerra da Cal (cantou un poema de Lorca en galego musicado por Ernesto Guerra) , Blanco Amor (cantou un poema de Lorca musicado por Blanco Amor), Uxio Novoneira, María Mariño, Eduardo Moreiras, Manuel María, Bernardino Graña (cantou unha obra de Bernardino musicado por Suso Baamonte) e Xosé Neira Vilas.

O público emocionouse moito pola beleza deste repertorio acompañado dos instrumentos de raíz recollidos e creados pola Fundación Legar.

O venres 19 de maio tivemos na ALM de Domaio ao Mago Paco  co seu HOCUS POCUS.

Houbo moitas risas, maxia e algunhas sorpresas.

Pasamos unha tarde divertida na ALM de Tirán con MARÍA DA PONTRAGHA e as súas historias de camiños.

O pasado venres tivemos na Axencia de Lectura de Domaio ao grupo Barafunda animación. Pequenas/os e maiores divertíronse moito con Leda e o seu avó Cristovo, o censor de monstros, que viñeron a Domaio para descubrir os monstros e seres fantásticos que habitan en Galicia.

           Ler máis →

O venres en Domaio enchémonos de rock con Pakolas mentres admiramos a arte de Laura Romero co seu mural ao redor da historia de Ramona Órbita. Unha tarde divertida para os máis pequenos que non pararon de bailar.

O pasado venres na Axencia de Lectura Municipal de Domaio tivemos un contacontos sobre a igualdade “Un día de treboada”  con  Miriam Crespo de Asacocirco Compañia .

Un contacontos con moita participación do público, manipulación de obxetos e malabarismos. Unha tarde divertida para os máis cativos.

O venres aprendemos moitas cancións sobre a vida na fraga con Gloria Mosquera e Tomi López de Mamá Cabra.

Tomi e Gloria contan historias coas súas cancións, nas que se tratan o coidado da natureza, facendo reflexionar sobre a importancia do Patrimonio natural.

O venres, en Domaio, no “Ler contamoito”, aprendemos da riqueza da diversidade con Pérez&Fernández e o seu ROSA E AZUL.

Azul e Rosa é unha coidada selección de contos non sexistas que pretende eliminar valores e actitudes estereotipadas.

O pasado venres no Ler Conta Moito de Domaio ficamos todas e todos sorprendidos cos poderes do mago Pedro Bugarín no seu espectáculo de maxia 4.0. Foi unha tarde de desfrute co ilusionismo.