O venres 5 de maio visitounos Iseo a Moura coa actividade “A grandeza do pequeno”. Un grupo de rapaces acompañados dos seus pais e nais gozaron con este contacontos musical onde ademais de escoitar historias, soñamos ao grande e pasamos unha tarde divertida na biblioteca. Grazas por vir!
Rematadas as clases iniciamos as vacacións cunha actividade onde se mesturan os contos tradicionais con pequenas dramatizacións. O público asistente, grandes e pequenos, pasárono en grande con esta achega á nosa tradición oral dun xeito tan lúdico como atractivo que nos presentou Nerea Brey.
O pasado venres 17 de xuño tivo lugar na biblioteca pública municipal de Caldas de Reis e da man de Olga Abad unha actividade para nenos entre os seis meses e tres anos, “A biblioteca que viaxaba no tempo”.
Para algúns pequenos era a primeira vez que entraban na biblioteca e seguro que para todos foi unha tarde moi divertida!
O venres 10 de xuño a Biblioteca pública municipal “P. M. Martínez Ferro” estivo chea de familias que viñeron á actividade de contos e maxia do Mago Paco. Como é habitual cando nos visita houbo moita participación da rapazada que non quixo perderse esta fantástica proposta que lles fixemos desde a biblioteca municipal e onde a diversión estaba asegurada.
O pasado venres acompañounos na biblioteca de Caldas de Reis, Ton Arenas de Mircromina Teatro de Títeres cun obradoiro de cartón para a rapazada. Participaron vinte nenos que disfrutaron dunha tarde chea onde a imaxinación e a creatividade estiveron moi presentes.
Fran Campos, da compañía Bandullo Azul, e a súa compañeira a boneca Filipa fixeron as delicias de todos, pequenos e maiores.
É un espectáculo onde hai moita interacción co público que non deixa de sorrir en ningún momento. Houbo contos tradicionais, outros de autoría propia, música en directo e moitas risas. Foi o colofón perfecto para finalizar as actividades de “A biblioteca no xardín”
“
Viaxamos ata Exipto para coñecer os pergamiños, despois fomos ata a selva para lembrar que debemos coidar a natureza e os animais e rematamos cun conto onde o cabaleiro prefería ler antes que loitar. Todo iso foi aderezado con pequenos trucos de maxia.
Esta actividade estaba prevista que se realizara no xardín veciño da biblioteca pero por mor da choiva levouse a cabo no auditorio, onde se mantiveron todas as medidas de seguridade. 
O mércores 1 de setembro o auditorio de Caldas de Reis acolleu a estrea de “O arquivo do chibo”. Estaba previsto que fose no xardín pero por cuestións metereolóxicas leuvouse para auditorio, mantendo sempre todas as medidas de seguridade. 
Tratouse dunha visita polos contos tradicionais de sempre, onde apareceron chibos, lobos, cabras… e algún que outro animal máis, con algunhas notas da actualidade. A posta en escea foi unha fermosura. As familias quedaron moi contentas co bo contar de Pablísimo.
O 31 de agosto o Mago Paco e o seu espectáculo de “Maxia diferente” estiveron en Caldas de Reis. A actividade desenvolveuse no lateral da biblioteca, no xardín, dentro do ciclo “A biblioteca no xardín”
É un espectáculo de maxia onde o conto e a igualdade están presentes como fíos condutores. O humor é outra das claves para que todos sairamos tan contentos.
O Mago Paco estivo na Biblioteca de Caldas de Reis co seu espectáculo onde a participación, gardando as medidas de seguridade, os contos e a maxia puxeron o colofón a unha semana chea de actividades.
Séguenos