Unha divertida e participativa contada para homenaxear a Carlos Casares, da man dos seus contos infantís máis coñecidos como “Lolo anda en bicicleta”, “A galiña azul” ou “Toribio revoluciona o tráfico”.

O cociñeiro Antón e a pasteleira Tomasa convidaron a pasar unha tarde moi larpeira a cativ@s e maiores. Primeiro desfrutando da súa escenificación con música e moitas risas e logo ao rematar, fixeron un obradoiro de decoración de magadalenas, onde participaron todos os nen@s.

O pasado venres 21 de outubro con motivo da celebración do Día das Bibliotecas, cativ@s e maiores desfrutaron dun espectáculo de maxia, mesturado esquisitamente coa dramatazición e a música, da man sempre tan profesional de Leo Leíño.

Actividade que mestura música, teatro e danza, onde a protagonista conta de forma sinxela e divertida o ciclo da auga e a importancia de coirdar o Medio Ambente. Unha tarde fantástica para cativ@s e maiores, tamén moi didáctica, grazas Carmiña!!!

Dúas cociñeiras moi tolas, viñeron a contarnos un conto sobre os amores imposibles, mentras tanto, ensinaron a cativos e maiores a cociñar “bicos”.

Paco Nogueiras fixo brincar a cativ@s e maiores co seu  Brinca Vai! Durante máis dunha hora, o pasado martes 26 de maio (18:00h.), este fantástico artista, non permitiu que ninguén se quedase parado. Nen tan sequera as altas temperaturas, desanimaron ao numeroso público asistente, non cabía unha agulla.

O pasado luns 21 de abril, a compañia de Títeres Cachirulo, fixo desfrutar a maiores e cativos, cunha fantástica adaptación deste conto clásico. Cheo total!

O pasado venres 25 de abril co gaio da celebración do “Día do Libro”, cativ@s e maiores desfrutaron da fantástica posta en escea da compañía Barafunda Animación.

Co gaio da celebración do Día da Poesía , o artista Carlos Coira fixo as ledicias de cativ@s e maiores cun fantástico espectáculo de maxia, teatro e poesía, onde a palabra foi a protagonista.

O pasado 23 de setembro, a compañía “Elefante Elegante”  fixo as ledicias de cativ@s e maiores con este estupendo espectáculo de animación. Grazas por esta viaxe Gonçalo!!!