A contadora Sole Felloza estivo, o venres 29 de maio,  na Axencia de Lectura de Tirán para presentarnos o seu espectáculo de narración oral Seres Máxicos do Reino de Galicia. Trasnos, meigas, xacias e outros seres regresaron a Moaña para que a cativada coñeza o noso propio imaxinario.

O venres 22 de maio contamos con Títeres Alakrán, na biblioteca de Moaña, e o seu espectáculo A pita Xefa, unha obra adapatada ao teatro de monicreques, que dun xeito divertido nos anima a cuestionarnos os esquemas sexistas dominantes.

Para celebrar o Día das Letras Galegas nas bibliotecas de Moaña contamos coa actividade infantil A gran viaxe das Letras Galegas, un contacontos da compañía A Xanela do Maxín que nos propuxo un recorrido pola historia, a lingua e a cultura galegas a través de palabras, sons e recordos. O espectáculo viaxou por distintas épocas e figuras da literatura galega, dende Begoña Caamaño ata Rosalía de Castro, reivindicando o poder transformador das letras e a importancia da memoria colectiva.

Neste mes de outubro Paula Carballeira viu a Tirán a traernos historias de sapos, bruxas, nenas valentes e peixiños namorados. É espectacular ver cómo Paula consegue a atención e participación de todo o público.

Á Axencia de Lectura de Tirán chegou a divertida e agarimosa mestra suplente “pisa pouquiño”,  da man de Raquel Queizás cun espectáculo de narración oral  con obxetos e títeres.

O venres 3 de outubro as persoas usuarias das bibliotecas de Moaña tivemos a sorte de poder disfrutar da obra máis representada do teatro galego TITIRICIRCUS. Unha obra que segue encantando a todos os públicos grazas ao xogo participativo e a manipulación das marionetas por parte da compañía Tanxarina. Longa vida ao Titiricircus!

O venres 29 de setembro Barafunda presentounos, na Axencia de Lectura de Domaio, Os Ourizos, o musical, unha obra de teatro musical de monicreques dirixido ao público familiar. Unha actuación que gustou moito e onde a rapazada puido cantar e bailar.

O venres 30 de maio tivemos a Tropa de Trapo na Biblioteca de Moaña. Tropa de Trapo esta formado por Marta Ortiz e Brais das Hortas e xuntos contaron e fixeron rir ao público asistente co seu espectáculo 4 monos.
Hai moitos anos, no Lonxano Oriente, naceu un símbolo que viña do poder para reprimir ao pobo: os Tres Monos Sabios. Un mono non oía o que pasaba ao seu redor. Outro non quería ver o que tiña diante. E o último calaba a boca para non dicir todo o que pensaba.
Eles déronlle a volta, os seu monos van escoitar, ver e falar. Van pensar, van actuar… e van ser catro!

O pasado venres 23 de maio celebramos na Axencia de Lectura de Domaio as Letras Galegas coa Xanela do Maxín. Cun esspectáculo que, a través do uso de diferentes técnicas: narración oral, proxeccións holográficas, música ou teatro de obxectos, pon en valor o legado das mulleres excepcionais homenaxeadas no Día dás Letras Galegas, desde Rosalía de Castro ata as cantareiras.

O venres de 16 maio poidemos desfrutar da Fundación Legar na Axencia de Lectura de Tirán.

Xavier e Martina celebraron unha sesión de arrolos na que se empregaron movementos acompasados, percusión corporal, sons bucais e instrumentos musicais de raíz, entre eles os axóuxeres como a gaia, o dálle, ou peido de galiña…

Tradicionalmente estas cantigas empregábanse para relaxar e adormentar as nenas e nenos transmitíndolles serenidade, protección e amparo, favorecendo o sono, e reforzando o vínculo afectivo entre as crianzas e as persoas adultas.