Este pasado venres as nenas e nenos de Moaña mergulláronse no universo literario de María Victoria Moreno a través dos contos de Marta Ortiz e a súa Festa no Faiado

Este venres, 8 de xuño, na Biblioteca Municipal de Moaña escoitamos moitas historias de raposas
nas que o noso repertorio de tradición oral é tan xeneroso. Contada lúdica de Raquel Queizás pero non exenta da correspondente e necesaria moralina.

O pasado venres en Tirán Sarabela Teatro, con “Isto non é unha caixa”,  regalounos un precioso espectáculo. Unha viaxe pola imaxinación acompañado de música e mímica.
Percorremos o espazo, o sol, o mundo, a nube e o vento. Tamén a gran muralla.
Sen dúbida foi moito máis que unha caixa.

Para celebrar do Día das Letras Galegas o pasado día 18 de maio aterraron en Moaña os Ghazafelhos que nos invitaron, na súa máquina do tempo, a viaxar  á época cavernícola.  Moita sorrisa e disfrute da compañía dos seus por parte dos adultos  e gran participación do público infantil. A obra é moi divertida, con diálogos que tamén fan chiscadelas ao público adulto.

Unha científica presenta unha máquina do tempo. O seu axudante métese na máquina e percorre diferentes etapas históricas: idade de pedra (o axudante é un neardental e saen nenas e nenos voluntarios a cazar un mamut) antigo exipto (o axudante é un emperador e saen montar unha pirámide) idade media (o axudante é un rei e saen a facer unha danza) renacemento (o axudante é Leonardo da Vinci) e idade moderna (o axudante é Neil Armstrong). No remate cántase unha canción sobre a cooperación como motor da historia.

No foi casual a elección de Raquel Queizás e a súa serea narradora de contos nacidos do mar. As nenas e nenos moañeses viven con intensidade a relación co mar da ría e para eles os seres fantásticos que nel habitan son menos ilusorios que reais. Gran asistencia e moita participación.

A Biblioteca de Moaña, ateigada de nenas e nenos, bailou con Gloria Mosquera e os seus libros musicais de Mamá Cabra.

Maxia galega con moita dose de humor. Leo Leíño é unha maga libreira  que con filtros e pócimas e cunha boa lista de trucos máxicos fixo crible o incrible nunha sesión fantástica moi participada polo público infantil

Os contos “comechíns” axudan a superar os prexuízos culinarios dos que son cada máis víctimas os nosos cativos. Que vivan a verduras, as zenorias e as legumes. Historias do sentido común para combatir as absurdas e caprichosas intolerancias alimentarias. Gran ambiente familiar

Cabaret Infantil Prodixio regalounos unha selección de contos nada casual (“Rosa Caramelo”, “O hipopótamo” ou “Unha pantasma con asma”.. )  que, agás da súa gran calidade narrativa,  abordan de xeito maxistral para os máis cativos cuestións tan importantes como a igualdade, a liberdade ou a amizade poñendo énfase na superación social dos estereotipos, das discriminacións, pero tamén dos nosos medos e das noas soidades. Gran ambiente familiar e ánimo moi participativo do noso público

Papi e Mami, grupo formado por María Faltri e Jorge Juncal, acompañados polo actor Lois Soaxe e o contrabaixista Juansi Santomé, é un soplo de aire fresco no panorama da animación intantil galega. O seu espectáculo ” Fantasía coas palabras, música co abecedario”, con cancións tenras de ritmos pegadizos arredor do mundo da palabra e da lectura, levantou pasións no auditorio da nosa biblioteca.