Un grupo nutrido de nenas e nenos participaron activamente na proposta narrativa de Raquel. Diferentes historias de diversos países do mundo onde, a xeito de fábula, os animais son os protagonistas. Utilizou obxectos do cotián, títeres e música que imprimiron un gran dinamismo a esta contada.

“Pura palabra” é simple oralidade, una función a cargo de Sole Felloza sen artificios pero moi xestual, son contos con moita moralexa e cancións participativas para os máis cativos.

Migallas goza dunha grande popularidade entre o público infantil de Moaña, así que a nosa biblioteca a duras penas puido dar cabida a tanta concorrencia cómplice. As cancións e a narración oral, co proceso de elaboración do pan de millo como fío condutor, fixeron as delicias de pequenos e maiores

O venres, 8 de maio ás 18:00 horas, Magín Blanco congregou a un grande números de nenos acompañados de nais, pais, avoas e avós, que disfrutaron e participaron moi activamente nesta interesante proposta de narración musical

A ONG Solidariedade Internacional de Galicia ven traballando desde 1986 a favor das poboacións en países de América Latina, África e a conca do Mediterráneo. Entre as súas prioridades destaca a realización de campañas de animación e de sensibilización dirixidas  ós nenos galegos, como a que tivemos a oportunidade de disfrutar este venres na nosa biblioteca.  A animadora, María, coa finalidade de facilitarlles ós nenos unha visión intercultural da realidade dos países latinoamericanos, narroulles contos populares, achegándolles ademáis curiosidades, costumes e información xeográfica de cada un deles.

Fran serviuse do mundo onírico e surrealista de Anthony Browne para estimular a imaxinación dos nenos (“Willy o soñador”),  para transmitirlles a importancia do diálogo e da comunicación (“Cambios”), ou espantar os medos nocturnos a través dun conto acumulativo. Todo elo aderezado cunha boa dose de humor e de complicidade co público adulto acompañante

María Salgueiro e Sé Rial (Nanoteatro) escenificaron dous contos, “Ajdar”, de Marjane Satrapi, autora da famosa novela gráfica Persépolis, e o máis tradicional “Papamedos”. Contaron co apoio entusiasta dun nutrido grupo de nenos e nenas crédulos e entregados

Os personaxes  de  Brancaneve o os sete ananiños,  Carapuchiña Vermella, A casiña de chocolate e de outros contos clásicos, conviven e interactúan nun “totum revolutum” chamado “Lobo bobo”, contado por Elefante Elegante,  que propicia a reconversión das moralexas tradicionais dos contos clásicos en novos valores máis necesarios nos tempos que corren:  ecoloxismo, feminismo, etc.

Durante 40 minutos Gonçalo Guerreiro, da compañía Elefante Elegante, valéndose de variados recursos escénicos, desenvolveu unha historia a metade de camiño entre o poético e o fantástico para suxerirlle ós nenos que o noso planeta é moi rico e diverso e da  necesidade de conservalo

Con “A miña mamá”, “Eu son o máis forte”, “O caracol lento”, “Martín Pescador” e outros contos, o narrador Fran Ínsua, mestre nesa arte da ironía, metuese no bolsillo ós nenos e, sobre todo, ás nais e ós pais.