Leo leíño A peregrina máxica

No día de onte, 15 de xuño, achegouse ate a nosa biblioteca a maga Leo Leíño, que nos veu presentar á peregrina Egeria para levarnos de peregrinaxe cara a Santiago. A cativada e o público xeral desfrutou moitísismo cos trucos de maxia e os xogos desta actuación “A peregrina máxica” que nos amosaron todos os segredos que o camiño esconde. Aprendemos moito sobre o camiño, a compostelana, os selos, os peregrinos, e sobre a catedral e as súas lendas.

Para nós foi un pracer telas aquí, pasamos unha tarde ben divertida e agardamos que Leo nos volva sorprender con outro dos seus marabillosos espectáculos.

No día de onte achegáronse ate a nosa biblioteca o equipo de Ciencia Divertida a ensinarnos como experimentar de xeito seguro coa ciencia a través do Método Científico.

A cativada desfrutou moitísimo realizando experimentos, aprendendo vocabulario científico e divertíndose ao mesmo tempo.

Esperamos volver repetir a experiencia co equipo de Ciencia Divertida, e que na próxima visita nos volvan sorprender con experimentos tan chulos como os que nos trouxeron onte.

Pablísimo e o lobo

No día de hoxe, 21 de outubro, veunos visitar Pablísimo á biblioteca de Mondariz-Balneario, e coma sempre, o público quedou encantado coa contada sobre cabras, cabuxos, castróns, chibos e como non… lobos!!! Encantounos o teatriño con todas esas xanelas a través das que Pablo nos contou os contos tradicionais e os non tan tradicionais. Agardamos que nos volva visitar axiña con máis contos tan espectaculares coma estes.

No día de hoxe, 14 de outubro, visitounos o mago Javier Muro que veu ate a B.P.M de Mondariz-Balneario a xogar coa cativada cun sorprendente espectáculo de maxia, no que a participación da cativada foi o eixo sobre o que se baseou esta actividade.

No día de onte estivo con nós o Calvorota, que se achegou até a biblio de Mondariz-Balneario para traernos contacontos, maxia e monicreques.

No día de onte, 21 de setembro, Batucado & Emusín achegáronse ata á nósa vila para traernos un conto musical.

Batucado & Emusín

A cativada de Mondariz-Balneario moito aprendeu sobre a música, as notas musicais, o pentagrama, mediante un moi divertido,  pero sobre todo bailaron, cantaron e pasaron unha xornada moi amena da man destas dúas invitadas. Un pracer telas aquí con nós.

Ian & Elisa

Que ben o pasou o nóso público o pasado 8 de outubro na biblioteca grazas a Ian & Elisa, que nos viñeron presentar o seu espectáculo “Historias fabulosas, dous magos e outras cousas”, onde se combinan os contos, a maxia, as sombras chinesas…houbo ata globoflexia, con agasallo incluído para o público. Actividade dinámica e moi divertida, as crianzas riron a cachón.

Contacontos don sombras chinesas

Onte tivemos con nós a Paco Nogueiras facendo que toda a cativada, pais e nais bailasen ao seu ritmo, coa sintonía de Radio Bule Bule. Un espectáculo baseado nun libro cd-dvd editado pola editorial Kalandraka, cheo de música, baile e moito humor. Fomos para casa coas pilas ao tope de marcha!!

Arrancamos o programa Ler conta moito 2020 coa maga Leo Leíño na B.P.M de Mondariz Balneario. Este pasado 23 de setembro ás 18.30 h Leo Leíño achegouse ate a nosa vila coa actividade “A maxia de Mary Poppins”, espectáculo cheo de maxia, contos e moita diversión.

Leo Leíño A maxia de Mary Poppins

O público asistente estivo moi entregado e entretido con todos os trucos que Leo realizou, pais, nais e cativada quedaron abraiados e desexando repetir a experiencia. As alusións a diferentes escritores, libros, contos e historias estiveron moi presentes durante o desenvolvemento da sesión. Foi unha actividade moi dinámica e divertida, na que participou todo o público asistente.

Actividade moi recomendable para público infantil e familiar.

O pasado 10 de outubro estivo con nós Pablísimo, contándonos contos de príncipes que pasaban o ferro e princesas valentes e ensinounos unha gran mostra de instrumentos de tódalas partes do mundo, invitándonos a participar con él tocando eses instrumentos para amenizar outro conto.

O público saíu encantadísimo e desexando telo de novo pola biblio de Mondariz-Balneario.