A Biblioteca Municipal de Ponteareas celebrou o Día das Letras Galegas o Luns 16 de maio, cunha actuación de Conversas con Tana, na que os nenos/as se divirtiron moito e interactuaron con Guanella. Esta actividade se celebrou nunha sala anexa a biblioteca, e asistiron 11 cativas/as.
O público infantil o pasou moi ben e durante o tempo que durou este obradoiro que ademais non parou de rir e pasalo ben durante todo o tempo
Onte pola mañá, na Biblioteca Pública Municipal de Ponteareas tivo lugar a actividade O xogo das escritoras a cargo de Sabela Losada Cortizas.
O xogo das escritoras foi un divertido xogo da oca no que as/os cativas/os participantes buscaron nos libros e escribían os seus propios textos, debuxaron e espremiron os miolos para superar as actividades propostas, relacionadas coa literatura escrita por mulleres. O contido do xogo foi adaptábel ao número e idade das participantes, podendo xogarse en varios formatos. Unha actividade na que tivo moita satisfación por partes das/os cativas/os.
O pasado xoves, 12 de agosto, tivo lugar o contacontos O que levamos nas maletas con Magín Blanco na Biblioteca Pública Municipal de Ponteareas.
Un contacontos musicado que axuda aos nenos e nenas a estimular a súa creatividade e curiosidade polas letras e as palabras, pola lingua, polos contos e a música para que poidan crear o seu propio universo creativo. Trouxo propostas musicais para público infantil como María Fumaça e Rosalía Pequeniña que interpretou en directo unha selección dos temas para público infantil que el mesmo compuxo acompañados dunha narración como A nena e o grilo nun barquiño, Gatuxo…
Unha actividade espectacular na que os/as cativos/as tiveron unha xornada moi divertida na que interactuaban en todo momento.
A Biblioteca Municipal de Ponteareas acolleu unha nova actividade pensada para o fomento da lectura dun xeito lúdico e atractivo. Ao abeiro do programa ‘Ler conta moito’ da Xunta de Galicia, o xoves 8 de xullo ás 11.30 horas o colectivo Polo Correo do Vento viñeron á biblioteca a actividade baseada na súa publicación ‘Xela Arias. Liberdade, solidariedade e amor pola lingua’, na que contaron, ilustraron e musicalizaron a biografía da escritora, poeta e tradutora á que este se lle dedicou o Día das Letras Galegas.
O obxectivo é promover entre o público máis novo non só a lectura, senón tamén a comprensión oral en galego e o desenvolvemento da creatividade e a expresión artística. Esta actividade permitiu ademais achegar aos nenos e nenas á biblioteca como un espazo de relación, aberto e participativo, e como axente facilitador da aprendizaxe permanente e da descuberta de novos temas e inquedanzas sociais.
Houbo unha participación de 37 nenas e nenos que marcharon moi contentos coa actividade. Ademais debuxaron ao rematar a actividade. Polo Correo do Vento tamén deixaron as ilustracións para a biblioteca.
O pasado martes 25 de agosto, tivemos o pracer de ter a actividade Estrafalaria na Biblioteca Municipal de Ponteareas a cargo de Atenea García (Xarope Tulú).
Unha actividade con varios contos para a igualdade de xénero, onde os cativos aprenderon que na dita sociedade non sempre é o mellor para nós, e que, ser distintos ós demáis, non é nada malo senón máis ben ó contrario. As rarezas fannos especiais e temos que aprender a valorar ó seu lado positivo. Un contacontos áxil e moi participativo cos cativos.
O pasado 18 de agosto, a Biblioteca Municipal de Ponteareas tivo o pracer de realizar unha sesión dinámica, a cargo de Brais Moure con Cóntame un cine “A Cinecleta na Biblioteca”, na que puideron desfrutar dun percorrido pola historia do cinema cunha mistura de contos. As/os cativas/os tamén coñeceron os fondos mariños das illas Atlánticas, cunha proxección dende a Cinecleta.
A Biblioteca Municipal de Ponteareas tivo o pracer de contar con Pinconús Teatro, a cargo de Carlos Coira, o martes 11 de agosto.
Utilizando como pretexto o mundo das palabras e dos libros, Carlos Coira, mostrounos a súa obra Abrapalabra, que nos permite gozar da maxia das palabras. Con elas podemos xogar e xa vimos que o resultado é do máis divertido, e de paso aprendemos algúns truquiños de maxia que espertaron a curiosidade das/os máis cativas/os e das persoas adultas.
Foi unha actividade moi dinámica, onde as/os máis cativas/os estiveron implicadas/os e participando dende o primeiro momento. Algúns dos trucos crearon verdadeiro interese e admiración, todo isto acompañado de música, libros e, como non podía ser menos, moita maxia!
O pasado martes, 4 de agosto, realizouse a actividade de Lorena Pinheiro con “As voltas polo carreiro” na Biblioteca Pública Municipal de Ponteareas, onde o contacontos desenrolaba nos camiños, o ruído das follas e das aventuras nos carreiros a ritmo de pandeireta.
O pasado, xoves 10 de outubro, tivemos o espectáculo 8 M(ulier) de Trémola Teatro na Biblioteca Pública Municipal de Ponteareas.
Os adultos e os máis cativos, acompañados polos seus pais, puideron gozar da historia de Branca Neves dende unha nova visión.
A obra foi unha mistura de recitais poéticos, cancións, sarcasmo e drama, dende unha perspectiva feminista.
O xoves día 26 de setembro os mais cativos o pasaron en grande coa actividade de Carballo con botas, titulada Libros para coidar a terra. A interacción co público infantil foi moi intensa, por parte de Carballo con botas que rematou a súa actuación levando aos nenos/as en biclicleta. Éxito total.
Séguenos