O xoves 3 de xullo na Biblioteca Municipal “Luís Seoane” de Soutomaior, a compañía Galitoon ofreceu un obradoiro familiar onde os calcetíns foron os nosos protagonistas, e unha vez decorados puxeronse a contar historias.
Un obradoiro moi dinámico e de gran éxito onde os menores de 6 anos estaban acompañados dunha persoa adulta. Chisco, ensinounos a reciclar eses calcetíns que quedan soltos na lavadora dun xeito lúdico e participativo. 
O xoves 26 de xuño na Biblioteca Municipal “Luís Seoane” de Soutomaior tivemos un obradoiro moi animado, cun galiñeiro que encheuse dos personaxes preferidos de cada participante feitos en pasta de papel.
Un obradoiro familiar onde os rapaces menores de 6 anos estiveron acompañados dunha persoa adulta, o éxito foi enorme e os participantes agradeceron a creatividade de Electra.
O mércores 29 de maio de 2024 acompañounos Yolanda Castaño co seu “Contacontos en verso para nenos e nenas”, onde cunha gran sensibilidade achegounos ao mundo da poesía e pasamos unha formidable tarde entre versos.
…
Na Biblioteca Municipal de Soutomaior, onte pola tarde tivemos unha morea de contos, moitos inspirados nos nosos libros preferidos dos nosos pequen@s lectores! Cunha coidada montaxe e música ambiental, Pablísimo deleitounos co seu talento.
A tarde do día 20 na Biblioteca Luis Seoane de Soutomaior mesturamos ciencia ficción e máis realidade, para celebrar o próximo día das bibliotecas!
Obradoiro de inspiración no libro homónimo onde crearon e xogaron con robots, marcadores láser, drons, pero… o importante é que para poder gañar hai que traballar sempre en equipo!
O pasado mércores 29 de setembro Pavís Pavós trouxeronnos unha chea de historias sacadas dunha mala fantástica herencia dunha señora marquesa.
Pasamos una tarde máxica cun público tremendamente entregado!.
O pasado xoves 19 “taller abierto, gestión cultural” fixeron na biblioteca de Soutomaior un obradoiro baseado na obra plástica de Luis Seoane, coñeceron como manexa o cromatismo e a xeometría nas súas composicións, e adentraronse no seu universo representando cada un a súa propia obra.
Velaí o resultado…
Este pasado martes día 10 os asistentes a sesión “Elas pintan moito”na Biblioteca Municipal de Arcade puideron coñecer as principais obras de diferentes artistas femininas universais.
Migallas fíxonos participar dunha singular viaxe polos mundos de cada pintora e poder entender así as súas obras.
Onte escoitamos a Lucas Requejo falar de alimentos, promoción da saúde, natureza, coñecemento, cambio climático, historia, vida, futuro, ciencia, orixe, educación e hábitos
“A boa alimentación mellora a saúde. Moitas persoas pensan que alimentarse é só unha necesidade de supervivencia, e que dá igual o que comamos porque o que importa é saciar a fame; pero non é así, hai que saber comer e facelo de forma balanceada para poder manter unha boa saúde tanto no teu día a día, como no futuro. O dito es o que comes é moi certa. A comida que inxeres inflúe directamente no teu sistema inmunitario, no teu estado de ánimo, na túa enerxía e, como non, no teu físico tamén. Así que comer san no só é cuestión de moda, e tamén de saúde” .
Como complemento a charla fixemos unha pequeña exposición có material bibliográfico relacionado.
Moitas grazas Lucas, desexamos que a mensaxe chegue a moitas máis bibliotecas.
Séguenos