As “maletas viaxeiras” fixeron que a imaxinación dos nenos e nenas volara máis ca nunca o pasado 2 de agosto. Estaban tan metidos nas historias que Sabela lles contaba que a seguían sen perder detalle e interactuaban moitísimo con ela. O pasaron moi ben.

“A máquina do tempo” o pasado 26 de xullo trasladou aos asistentes a distintas épocas da nosa historia, aprendendo e pasando un rato moi agradable e divertido.

“A loba Antea” trata de concienciar aos nenos e nenas sobre o coidado da natureza e o medio ambiente. O pasado 21 de xullo, fixo que a súa mensaxe quedase nas mentes dos asistentes ao espectáculo pasando un rato moi agradable e divertido.

Os nenos e nenas que asistiron, na biblioteca de Vilagarcía de Arousa o pasado 14 de xullo, ao espectáculo de animación á lectura “O libro vivo”, disfrutaron moito participando activamente xunto cos artistas.

A actividade realizouse cos nenos e nenas do campamento urbano multiaventura. “O paroleiro” gusta de parolar, enredar, falar e de contar. Conta sucedidos, historias e sobre todo moitos contos que leva na súa memoria, nas súas maletas, nos seus petos e nos seus zapatos.

Os asistentes disfrutaron e participaron cos relatos que tiñan como obxectivo dar a coñecer os contos de transmisión oral, así como os contos máis contemporáneos, empregando recursos como: monicreques, retahilas, cancións, narracións orais, etc.

A narración oral, o medio ambiente, o teatro de sombras, a música e a participación dos nenos e nenas mestúranse nesta actividade, “A pirata María contra o lixo na ría”, á que asistiron os nenos e nenas do campamento urbano medioambiental, disfrutando intensamente.

A actividade desenvolveuse cun grupo de nenos e nenas do campamento de verán. “Conversas con Tana” é un espectáculo teatral, baseado na ventriloquía onde un granxeiro e a súa cadeliña Tana, manteñen unha fluída e divertida conversa acerca de diversas cuestións caninas e humanas, no que se combinan o humor, ensinanza e sensibilidade. O show consta de divertidas cancións.

O público asistente participou intensamente no espectáculo, cantando e interactuando co granxeiro e a súa entrañable cadeliña que conquistou a todos os asistentes.

No marco da campaña en favor da igualdade e contra a violencia de xénero, levouse a cabo, nas dependencias da biblioteca municipal, un contacontos que leva por título “Noa no espello”. A finalidade do espectáculo é ensinar aos máis pequenos como enfrontarse á crítica e como chegar a vencela. A través de dinámicas de repetición de textos e coreografías, a dinamizadora conta como o espello nos devolve a nosa imaxe para axudar a configurar a nosa identidade. Os nenos e nenas asistentes ao espectáculo, participaron nel e divertíronse moito.

Con  motivo de promover a igualdade entre os máis pequenos e a sensibilización contra a violencia de xénero, levouse a cabo o contacontos “Príncipas e princesos”, unha sutil e divertida reflexión sobre a igualdade con pregoeiros reais que buscan príncipes rosas e princesas azuis e con trobadores que relatan historias contra os estereotipos.

O espectáculo dirixido a nenas e nenos a partir de 3 anos, mestura o clown e a pantomima coa maxia e manipulación de títeres. O resultado desta mestura trouxo consigo a ledicia e participación activa dos nenos e nenas asistentes a actividade.