Con motivo do 24 de outubro, día da biblioteca, programouse a realización dun contacontos titulado: “A biblioteca secreta” realizado por Marisa Irimia, que narra a emocionante historia da que se chamou “biblioteca secreta de Darayya”, un espazo de lectura subterráneo con estantes que albergaban 14.000 contos e libros que os voluntarios recolleran de casas danadas durante o asedio a Darayya, a súa ubicación era segreda e os seus visitantes tiñan que chegar a ela esquivando as balas e proxectís.

Marisa Irimia relatou historias máxicas e emocionantes que trasladaron aos presentes a outros mundos e outros tempos, facéndonos ver que os libros son uns obxectos valiosísimos, e que foran un reducto de aprendizaxe, esperanza e inspiración para moitos dos seus usuarios, case todos rapaces e estudantes, no distrito sitiado de Darayya, en Damasco.

O venres día 27 de xullo, a biblioteca municipal realizou unha actividade de dinamización da lectura que levaba por título “Maxia e libriños con Leo Leiño”.

A través da maxia e dos contos fixeron un percorrido por historias incribles, no que a ilusión e a sorpresa encheron de risas e diversión a biblioteca.

Facendo descubrir ós participantes o universo sen límites que se agocha dentro dos libros.

A actividade realizouse o 19 de xullo ás 11 horas e a ela asistiron os nenos e nenas dun campamento urbano, con idades comprendidas entre os tres e os sete anos. A realización do espectáculo correu a cargo do mago Javier Muro que a través do teatro e da maxia contou a historia dun neno que quere ser mago e todas as aventuras que lle suceden ata conseguilo.

A actividade gustou moito ao público asistente que participou e gozou co espectáculo.

A actividade “Eu conto, ti contas… elas contan! realizada por Cris de Caldas, foi o broche final do Club de Lectura Fáci, organizado pola Asociación de Disminuídos Psíquicos “Con eles” coa colaboración da Biblioteca Municipal.

Cris acercou aos asistentes os contos de mulleres e sobre mulleres: princesas valentes, mulleres artistas e mulleres de conto tan especiais coma María Victoria Moreno.

O público asistente interactuou en todo momento coas historias que Cris narrou e disfrutou moitísimo coa actividade.

En conmemoración do Día da Biblioteca, programouse o 24 de outubro a realización dun contacontos titulado: “O pucheiro da señora Emilia” realizado por Charo Pita que contou as historias, de aquí e de alá, de medo e de risa, tristes e enxeñosas, que lle suceden a aqueles que teñen o pucheiro da señora Emilia. Os nenos e nenas asistentes quedaron engaiolados coas historias e contos e disfrutaron e participaron na actividade.

Con motivo da celebración do “Día das Letras Galegas” a biblioteca levou a cabo a seguinte actividade, “A Galiña Azul e compañía” o 19 de  maio ás 11 horas. A actividade correu a cargo de Cris de Caldas que tomando como fío a galiña azul, fixo unha explicación sobre o seu autor e do significado das Letras Galegas no panorama da nosa literatura. A galiña azul veu acompañada doutros contos de tradición galega. A actividade gustou moito ao público asistente que colaborou e participou en todo momento do espectáculo.

En conmemoración do “Día do Libro” a biblioteca programou unha sesión de contacontos “A falta de pan, bos son contos” realizada por Atenea Fernández, de nome artístico Xarope Tulú. O espectáculo teatral artellouse a partir de adiviñas, contos e refráns ligados á comida e ós seus costumes.

O público, participou na narración, convertíndose ás veces en protagonista.

A actividade engaiolou aos nenos e nenas asistentes que quedaron maravillados ante os relatos e a orixinalidade do espectáculo: Unha casa que se vai construindo a medida que se narran as novas aventuras dos personaxes de sempre.

Con motivo da celebración do Día da Biblioteca, o 24 de outubro, realizouse unha sesión de contacontos titulada “Rosa no é unha cor…” a cargo de Cristina Vázquez Santos que contou “historias que ensinan e debuxan un sorriso ao mesmo tempo”.

“Nin rosa é unha cor de nenas nin azul é de nenos. Rosa e azul son cores amigos dos rapaces. Unen, non separan”.

A igualdade entre homes e mulleres é un valor que se debe inculcar desde a infancia.

Con motivo da celebración do Día das Letras Galegas a biblioteca programou o espectáculo que leva por título, “Poemas e contos con Manuel María” no que os contos e as historias pivotan ao redor dos poemas de Manuel María, que figuran como eixo conductor, acompañados da música de violín.

Marisa Irimia achéganos á poesía e á narración oral dun xeito musicado e lúdico, onde todos participan.