Un grupo de nenas e nenos do CEIP San Salvador de Arnoia viñeron á biblioteca municipal a pasar unha estupenda xornada coa actividade “Atrévete a facer o teu propio libro”, acompañados de profesores do centro e levada a cabo por Fani Padullés.

As persoas que participaron quedaron moi contentas, pasóuselles moi rápido o tempo polo entretidas e metidas na actividade que estiveron.

O evento de maxia na biblioteca “Dóra Vázquez” foi unha tarde chea de encanto e asombro, tanto para os máis pequenos como para os adultos. O mago Charly Braun cativou a todos coa súa destreza e humor, creando un ambiente de ilusión que atrapou a atención do público de todas as idades. Nenos e nenas viviron momentos máxicos, pero as persoas adultas tamén se deixaron levar polo espectáculo, gozando dunha actuación que uniu a toda a familia nunha experiencia memorable.

Sen dúbida, unha tarde que será lembrada con alegría polas persoas asistentes.

O sábado 12 de outubro veunos visitar Trécola Producións coa obra “Historia dunha gaivota” , unha tarde de familia onde o tema da solidaridade, a importancia de apoiar e protexer ao máis débil, ao divertido e interesante que é descubrir outras formas de pensar  e vivir e, ao pracer que se sinte cando axudamos a outras persoas a superar os retos.

Grazas por este día especial TRÉCOLA !!!

O  venres 11 de outubro as nenas e os nenos pasárono en grande con Narci Rodríguez e o seu obradoiro de beatbox.

Aprenderon a musicalidade das palabras e a maxia dos sons.

Moitas grazas.

o pasado venres 11 de outubro Alba Farto estivo con nos para ensinarnos lettering con unha metodoloxia práctica, dinámica e amena.
A actividade gustou moito entre o público asistente, que grazas a implicación e bo facer de Alba Farto sai da activided coñecendo as tecnicas de lettering

Na B.P.M. Mª José Trincado (Mera) tivemos unha tarde che de maxia coa visita de Leo Leíño na sesión Maxia tola e lectora.

Este espectáculo de teatro infantil combina a maxia, o humor e a narrativa, creando un ambiente único que fomenta o amor pola lectura e a imaxinación. Leo e a súa axudante Cris levan ás nenas e nenos a un mundo cheo de sorpresas mediante as súas habilidades máxicas e o seu agudo sentido do humor convidando ao público a participar nas súas aventuras.

Na mañá de hoxe 14 de outubro o Mago Paco fixo as delicias de nenos e maiores coa actuación que levou a cabo no Salón de Actos do Centro Cívico.

O pasado venres 11 de Outubro arrincamos a nova edición de “Outono de Contos” un  programa municipal de carácter anual que ten como obxectivo acercar a todos, e especialmente ós máis pequenos, ó hábito da lectura, dun xeito entretido e dinámico.

Este ano inauguramos ca actuación de Cris de Caldas, que, da man da bibliotecaria que más sabe de contos Candelaria a “estrafalaria”, recomendounos a selección de contos infantís máis abraiantes que están ó noso alcance nas bibliotecas e librerías,

Cris acompañounos a través de diversos contos e libros, ensinándonos que entre as páxinas dos libros, grandes ou pequenos, pódese viaxar, soñar e imaxinar, ó tempo que aprendemos sobre o mundo que nos rodea e sobre nos mesmos.