Onte día 30 de setembro, visitou a Biblioteca de O Froxel de Arteixo, “A Fada Diana” da man de Ariadna Santana. Cun gran despregamento escénico, foron aparecendo personaxes en forma de animais, cunha temática baseada no reciclaxe e a fada diana liderando unha aventura como auténtica salvadora do mundo, acompañada de baile e canticos que fixeron gozar aos usuarios que participaron nalgúns dos contos.
A compañía Tropa de Trapo achegounos a actuación “4 monos” ata a biblioteca municipal Lois Pereiro de Monforte de Lemos. Catro monos, catro historias para falar como nos relacionamos entre nós e co medio. Relatos para rir, cantar e tamén para reflexionar mentres nos divertimos todos xuntos.
O Mago Marco Pombo visitou a biblioteca municipal Lois Pereiro de Monforte de Lemos co espectáculo “Maxia para soñar” unha actuación a través da cal achega a maxia e ao mundo da lectura.
O martes, 30 de setembro, Ramón ensinounos a crear os nosos propios xogos malabares. Pasámolo moi ben e descubrimos que é unha actividade que, ademais de ser moi divertida, fomenta a paciencia, a superación persoal e promove a socialización.
O pasado luns, 29 de setembro, o Mago Deimi ( de Especialistas Hípica Celta) visitou a biblioteca de Bergondo. Deimi realizou un espectáculo marabilloso onde se combina a ciencia e a maxia.
A actividade, dirixida ao alumnado de 1º da ESO do CPI Cruz do Sar, foi todo un éxito.
Medio centenar de maiores achegáronse esta tarde ao auditorio do Multiúsos Piñeiral do Crego convidados pola Biblioteca Xela Arias de Chapela. Alí asistiron ao espectáculo “Conta miña compañeira”, un contacontos ofrecido pola narradora Lorena Piñeiro.
Historias de vida, coas que festexamos o Día Internacional das Persoas de Idade, co apoio do programa Ler Conta Moito, da Xunta de Galicia.
Unha morea de nenos e nenas de Primaria do Vicedo achegáronse ao Vicedo para a presenciar “Contos de Caverna” a cargo de Lila Teatro. Un espectáculo de animación á lectura que fixo as delicias dos nenos e maiores coas historias tan entrañables de Aniceto e Nicasio.
O pasado día 26 de setembro, gozamos dunha sesión moi especial con 2 Mind Combined. A través das súas Historias fabulosas, Elisa e Ian, encheron a biblioteca de maxia, sombras chinesas, contos e moita ilusión. Pequenos e maiores quedamos abraiados coa súa creatividade e simpatía.Grazas por facernos soñar!
Onte, 29 de setembro, tivo lugar, na Biblioteca Mª José Ruso de Dorneda, un espectáculo de maxia, dentro de Ler conta moito, do Mago Rafa chamado “AbracaLibro”, para nenos e nenas a partir de 5 anos, acompañados dos seus pais. O Mago Rafa deleitóunos con varios trucos de maxia, entre eles, trucos con cartas de póker, trucos cunha bolsa de plástico e un ovo ou trucos con números mais unha calculadora facendo operacións imposibles. Pequenos e maiores quedaron abraiados con ganas de ver máis sorpresas e descubrir o maravilloso mundo da maxia. Apto para tódolos públicos.
Séguenos