A Biblioteca Municipal de Fene conmemora o “Día Mundial do Teatro”
No marco do programa “Ler conta moito” o luns 30 de marzo ás 12 h, cunha Biblioteca ateigada de nenos e nenas, a compañía Sarabela Teatro representou “Conto Express”
No marco do programa “Ler conta moito” o luns 30 de marzo ás 12 h, cunha Biblioteca ateigada de nenos e nenas, a compañía Sarabela Teatro representou “Conto Express”
Contacontos para rapazada a partir de 5 anos. Os contadores, Xanela Ocio, nos achegaron un mundo de contos tradicionais onde os roles de xénero se cambian. O personaxe da muller, neste caso “Tarzana”, respondendo a papeis onde teña que demostrar forza, intelixencia, e afrontar retos. En cambio, o masculino, neste caso “O lobiño carapuchiño”, situado nun contexto tradicionalmente feminino.
Por que non? Cambiando os papeis os contos tamén son fermosos, interesantes e gustan de ser escoitados.
Ver máis: no blog das bibliotecas de Redondela.
O pasado venres 27 de marzo iniciamos as actividades de animación a lectura grazas ao Programa Ler Conta Moito en Cambados.
A través da ALM de Castrelo, puidemos levar a cabo a homenaxe ao Día Internacional do Teatro e o encendido en azul da Naiciña de Asorey, para apoiar tamén á Asociación cambadesa Por Dereito, que traballa para a inclusión de persoas con autismo.
Todos os anos levamos a cabo na primeira semana de abril, a Semana Azul, en colaboración con Por Dereito e Bata, pero este ano ao coincidir coa Semana Santa prefirimos adiantala cun fermoso acto na Praza de Asorey que incluiu a intervención de pais da asociación, e a actuación dos Quinquilláns co seu espectáculo “Porque é salgada a auga do mar?” . E como colofón, o encendido da escultura da Naiciña, uníndonos ao movemento mundial Light it up blue! promovido pola comunidade Autism Speaks co que monumentos destacados de todo o mundo tínxense de azul apoiando a inclusión de persoas autismo.
O espectáculo dos Quinquilláns foi todo un éxito, cunha posta en escena que sorprendeu e fascinou a todos os asistentes, sobre todo aos máis novos, cando, gafas de mergullo incluídas, nos adentramos nas rúas de Cambados convertidas no fondo mariño da ría de Arousa.
Resultado da actividade plasmado na pel dos pequenos artistas
O venres 27 de marzo seguindo coas actividades do programa Ler Conta Moito 2015 visitounos Paco Nogueiras coa actividade musical “Brinca Vai! de aquí a acolá”
Esta vez tocoulles os nen@s de 2º a 5º de educación primaria do colexio Padre Feijoo de Allariz. Gozaron dun xeito lúdico e participativo das cancións do libro de Kalandraka .
Unha sesión didáctica e divertida cun gran profesional.
O 25 de marzo Avoa Youja tróuxonos o noso primeiro contacontos para bebés. Unha actuación sorprendente que conseguiu captar a atención dos máis pequenos a través dos sentidos: música, sons, luz, materiais orgánicos…
Os ratos de Lonxedetodo estiveron na Axencia de Lectura de San Vicente para entreter a todos os asistentes con contos, cancións e bailes.
Promover hábitos saudables na alimentación desde os contos e fomentar o uso da biblioteca e a lectura, son os obxectivos de “Aventuras na Cociña”, contacontos teatral protagonizado polos Ratos da Biblioteca.
Ao final todos os asistentes cantaron e bailaron ao ritmo das cancións de Lonxedetodo.
O venres 27 de marzo a biblioteca municipal celebrou o Día Mundial do Teatro co “Misterio do pirata Benito Soto”, unha actividade de dinamización dirixida a nenas e nenos a partires de tres anos de idade. Unha historia de misterios homenaxe a Sir Arthur Conan Doyle e ao patrimonio galego, que mesturou a oralidade coa ilustración, interactuando cos pequenos a través dun obradoiro de debuxo.
O encargado deste divertido conta contos foi “Polo Correo do Vento”, un colectivo especializado en actividades de promoción da lectura, comprensión oral en galego e desenvolvemento da creatividade e expresión artística das nenas e nenos. O serán lúdico, organizado pola BPM de Brión a través do programa da Rede de Biblioteca de Galicia “Ler conta moito”, acadou unha elevada de asistencia, cunha participación de arredor de 50 persoas, entre nenos e país.
O xoves 26 de marzo ás 18 h. nenos e nenas disfrutaron durante 45 minutos do espectáculo “Comelibros” de Matapiollos Teatro no que contaron unha historia sobre as bibliotecas e os bibliotecarios e de xeito moi simpático recordaron as normas e actitudes que se deben ter na biblioteca.
Séguenos