Gloria Mosquera de Mamá Cabra presentou en Brión o espectáculo musical “Patrimonio Natural”, un recital baseado no libro-disco do grupo Mamá Cabra titulado “A fraga do meu avó” publicado pola editorial Galaxia en 2019. Unha obra dirixida a público infantil que busca concienciar sobre a problemática dos bosques autóctonos e dos espazos naturais. Ler máis →

O 24 de outubro celebramos o Día das Bibliotecas, unha efeméride moi especial que aproveitamos para traer cada venres de mes un espectáculo de animación para toda a familia. Un xeito de reivindicar o libro e a lectura a través do teatro, a narración oral e a música. Ler máis →

Grazas á coloboración co programa de animación á lectura nas bibliotecas “Ler conta moito”, o mércores 31 de maio fixemos Un paseo pola música negra da man de Black Galicia: Iria Mejuto á voz e Richi Rozas á guitarra, na Biblioteca Municipal Os Rosales. Con este concerto didáctico puxemos fin á nosa particular Primavera Literaria 2017 e dedicámosllo ás nosas lectoras dos clubs de lectura Café con libros, como remate deste curso 2016-2017.

A posta en escena e a voz de Iria Mejuto resultou unha agradabilísima sorpresa para as nosas usuarias, que pensan repetir experiencia alá onde toquen tantas e tantas músicas marabillosas. Todos os libros que se presentaron e do que se leron fragmentos serán dos máis prestados na Biblioteca este verán!