O venres 29 de abril tivemos na Biblioteca Municipal de Ordes o grupo “Xarope Tulú” coa actividade “A falta de pan, bos son contos”. Estivo xenial. Grazas a vós, unha vez máis, a biblioteca énchese de vida!!!!!

O venres 18 de marzo tivemos con nós a Carmen Domech na Biblioteca Municipal de Ordes. O seu “Contacontos de libros contentos”, fíxonos disfrutar moito. O seu paraugas, precioso, está cheo de fermosas historias, e os libros cheos de aventuras….e de sorpresas!! Grazas a toda a xente que nos acompañou. FACENDO BIBLIOTECA!!!

Charo Pita visitounos o venres 11 de outubro. O seu espectáculo “Quen quere viaxar comigo? foi fantástico. Canta, conta, le, xesticula, escribe, publica e faino todo ben!. Os cativos non a querían deixar marchar. Que ben o pasamos! Volve Charo!!!

O venres 27 de setembro visitounos  Enrique Mauricio Iglesias, do grupo “MAU Lareira Global”, e fixo as delicias de maiores e e pequenos co seu espectáculo “Violeta, a carteira bolboreta”. Contounos unha preciosa historia, e axudounos a debuxar aínda un pouco mellor. A verdade,  foi unha sesión divertida e moi dinámica, chegounos a pouco!  

O venres 26 de abril, visitounos María Paz Gutiérrez . Estivo na BPM de Ordes,  e contounos historias cheas de maxia, sobre a vida en otros continentes. Fixo as delicias de máis de corenta cativos  e das súas familias. Xuntos escoitamos fermosas historias e vimos libros , atuendos e obxectos de outros continentes. Para finalizar tomamos o té, que tivo tantos sabores como quixemos imaxinar…Estupendo!