A compañía Educultoras realizou a súa obra Tecendo novos soños o 1 de abril na biblioteca municipal de Tordoia. Da actuación puideron gozar arredor de trinta nenos e nenas con idades comprendidas entre os sete e os nove anos.

A Asociación Cultural Cucarandainas coa súa contadora Sole Felloza deixou ós nenos de Xermade abraiados cos seus contos. Sole acadou unha gran interacción cos nenos e nenas e foilles ensinando os libros troquelados e rechamantes que ía quitando da súa maleta vermella.

Na aula de xogo do Centro Sociocultural As Fontiñas os nenos gozaron dunha sesión de fantasía consistente na creación de “quimeras” a partir de partes doutros animais. Os nenos tiveron a oportunidade de imaxinar nomes, costumes, das creacións fantásticas da súa imaxinación. Foi unha actividade participativa recomendada para nenos de 6 a 10 anos.

Na Biblioteca de Celanova tivemos una sesión de contacontos “Conto Contigo” para conmemorar o Día do Libro Infantil. Unha tarde divertida para nen@s e maiores

O xoves día 31 de Marzo, a compañía Os Contos de Pablísimo representou na B.P.M. do Pereiro de Aguiar  o espectáculo Mans, dentro do Programa Ler Conta Moito.

Os nenos e as nenas mergulláronse no mundo animal a través das sombras, contos e cancións.  As mans inquietas dos máis pequenos tamén formaron parte da posta en escena, que rematou con risas e aplausos.