O día 3 de agosto, os nenos de Vilasantar, poideron disfrutar da representación do Cociñeiro Antón e a pasteleira Tomasa, de parte do Teatro Calavera. A continuación aprenderon a decorar pasteis, que o final degustaron.

O pasado mércores Migallas Teatro trouxo á ALM  de Carnota o espectáculo “Canta connosco!” baseado no seu xa mítico disco, reeditado por Kalandraka. Moito desfrutamos, grandes e cativos/as! En Carnota somos superfans!

Obradoiro de creatividade con maxia,no que os nenos motiváronse ca axuda do mago .

O Xoves 2 de agosto tivemos unha actividade cultural moi amena. Xoán Curiel e Iris Gey interpretaron música en galego, castelán e portugués nunha tranquila noite de verán na terraza da Casa da Cultura. Foi unha actuación enmarcada no programa de animación á lectura Ler Conta Moito. Un pracer contar con eles aquí.

O pasado martes 31 de xullo, visitounos na Biblioteca de  Riotorto, a diseñadora gráfica Laura Alonso Carracedo, co obradoiro creativo “A máquina de facer debuxos animados”.

Durante 90 minutos os nenos e nenas que acudiron a actividade aprenderon a facer unha máquina de facer debuxos animados coma as que se empregaban no século pasado para dar vida ó cine de animación.

Unha vez rematada a actividade os nenos puideron poñer en práctica o funcionamento do seu aparello.

Juan Juste contounos historias utilizando a combinación de técnicas como a manipulación do kamishibai e técnica lumínica emaki (teatro tradicional xaponés),escenarios despregables pop-up e revisións persoais do teatro de papel.

O pasado luns 30 de Xullo ás 18:30 horas levouse a cabo en Vilar de Santos unha actividade relacionada  co ámbito científico, onde a través dun crime ficticio e de forma moi amena e práctica puidemos coñecer entre outros moitos interesantes conceptos, que é o ADN, como se extrae, como se analiza e para que se emprega esa información obtida no laboratorio. Nos mesmos puidemos poñer en práctica todo o proceso empregando materiais de uso cotián e extraendo a nosa propia mostra.

 

Exploración espacial, coñecemos os descubrimentos de Isaac Newton e de Julio Verne. Baseándose nas obras de Isaac Newton e Julio Verne Juan Jesús ensinounos a construír un foguete, obradoiro de investigación que nos estimulou a imaxinación.

O sábado 28 de xullo o Bardo Abelardo visitou a Biblioteca Municipal Rosalía de Castro de Arzúa para nos achegar A música das árbores, un espectáculo de música, teatro e danza que fixo as delicias dos máis pequenos.

Graciano Zoqueiro, trasniño e gaiteiro, descubriu que as árbores facían música. Cando o vento move as pólas nace unha sinfonía. Cando a choiva cae nas follas soa un violín, unha gaita, unha zanfona. Cada vez que unha treboada fai danzar os freixos ármase un espectáculo de ballet.